كم اشتاق اليه ..
الى همساته ....
الى كلماته ..
جنونه وثوراته ..
اشتاق الى قسوته وشدته ..
كما اشتاق الى حنانه ورقته.
لا ادري لماذا الجفاء.. اما كفاه طول البعاد ؟؟
كلما حاولت مداعبته زجرني .. وكلما تقربت اليه نهرني
ما السبب ؟؟
ايكون اصابه مني الملل !!
لكنه احب حديثي والسمر..
وعشق الترحال معي والسفر..
كم حلق معي بخيالي وشاركني احلامي
ربما ارهقته بكثرة سؤالي او اضنيته بطول حديثي وشكواي ..
اهِ ياصديقي ..
انسيت عهدك معي !..؟
فمن يهيم معي في دنيا الخيال .. ؟
و كيف ادون مالدي من احلام؟
ماذا افعل الان ؟
"ان جف مدادي من قلمي ..نضب في العروق دمي ..وذبلت عيوني .. وانتحر املي "
23 همسـاتكم:
تمردت عليك كثيرا ورددتها ملايين المرات أكرهك لأننى أحبك وبجنون
أهرب من ضعفى فى أسرك فأنا أتلذذ بقيودك وإليكى أعود
ساصب عليكى كل غضبى وفى النهاية أعود إليكى لابكى فى أحضانك
كم وددت أن أبقى فى غيبوبتى فلا استيقظ ويكون بقائى معك فلا حاجه لى بالعالم ولا الحياة فالحياة معك تكون فى الدنيا والآخرة
السلام عليكم
كل يوم بشوف قلمك يبدع انتى كلتبة كلام جميل ورائع وعاطفى شعر وان خلا احيانا مش دائما من موسيقى الشعر
لا تسكبى مداد قلمك واتركيه يفيض بجيشان مشاعرك
تحياتى
من رحمة الله .. انه سن سنة من أول الزمان ، لا غبار عليها ولا نقضان ،
و سنته تقضي بان بعد العسر ياتي الامان ..
فان كبرت علينا المصيبة فان الله اكبر وحله اعظم وايسر ..
جميلة هذه الخاطرة يا حبيبة القمر ، فليس هناك افصح من صادق.. بما يحس قلبه لسانه ناطق..
اذا كتبت المدونة اني غير معروف.. فاعلموااني مصطفى ..
فعلتها المدونة ، وانا غير معروف ..
يا جماعة حد يوريني ازاي اكتب اسمي ..
.. خلاص انا بقيت متعود على اسم غير معروف .. ففي النهاية يوجد على الأرض أكثر من ست ملا يير انسان ، و الأرض جزء لا يكاد يرى من المجرة، اما المجرة فتكاد لاتظهر في كوننا الواسع ..
ازاي ممكن اتعرف وانا واحد من ست ملايير ..هههههههه
ازيك يا حبيبة
انا خلاص اصبت باعجاب دائم بكل ما تكتبية
احاسيسك عالية قوي
وكلماتك قوية
ملهاش حل
حائرة ؟ نعم .. خائفه؟ ربما
متفائله ؟ الى حد ما
متمرده ؟؟ نوعا ما
خيالية ؟؟ جداااا
بالقلم ارسم احلامى واتمرد على واقعى
ولكن ان جفانى تتبدد احلامى وتضيع منى امالى
القطه الجميله
نورتينى ياقمر
عرفه
عليكم السلام ورحمة الله وبركاته
ازيك يارافع معنوياتي
بالطبع دا ولا شعر ولا حاجه
كل الحكايه ان القلم مش مطاوعني اكتب اي جديد ...
قلت اعاتبه شويه
شرفتني يافندم
صديقي الغالي مصطفى
عملتها معاك المدونه تاني .. قلتلك يا اخي اتولى المهمه دي عنك انت عملت ابو العريف
خليك بقى غير معروف هههههههههه
امل يا حوياااااااااتي
منوراني ياجميل
ربنا يخليكي ياقمر ويدوم اعجابك بكتاباتى وفضفضات قلمي
ولو اني ساعات بخرف ..لكن هتستحملوني طبعا
طماعه انا مش كده
حبيبة القمر
كل دة والقلم مش مطاوعك امال لو كان مطاوعك كنتى عملتى ايه
فعلا كلامك راقى وده من غير مجاملة
تحياتى
ياريت تقبلى منى نصيحة
اقرى شعر كتير قوى علشان انتى عندك اللغة والتعبير والاسلوب بس الموسيقى ساعات تخونك واقرى بصوت عالى علشان تاخدى على اللحن انتى مخلوقة علشان تكونى شاعرة
تحياتى مرة ثانية
عرفة فاروق السيوطى
عرفه باشا
اعتبر دا قر ولا حسد هههههههههههههههه
لا بجد يعني متتخيلش قد ايه الحروف والجمل عماله تتنطط في دماغي واول مامسك القلم بتطير
بالنسبه لموضوع الشعر فدا طبعا موهبه اتمنى ربنا ينعم عليا بيها
لكن هسمع بنصيحتك طبعا
تحياتي ليك وميرسي لمتابعتك الجميله
كم حلق معي بخيالي وشاركني احلامي
عارفة ياحبيبة اكتر قسوة في الحياة اية
ان الانسان يكون بيحب وعايش فعلاا بخيالة
وحلمة مع هذا الحبيب ويحاول فعلاا انة يقنع
نفسة انة معاة في السفرة طبقين لياكل معة
يقوم بعمل عيد ميلاد الحبيب وتطفاء الشموع
بدموعة قمة اللالم والجراح كل خمس دقائق بحال
ممكن يبكي ويضحك يحزن ويفرح في نفس الوقت
تقبلي تحياتي
ياسر
والله ولا حسد ولا قر بس انا اتمنى الاقى عصر الثقافة الذهبى يرجع تانى وبشوف مدونات كتيرة حلوة وبتابعها وبعلق على اللى بيعجبنى منها واتمنى اعمل مع ناسها كلهم صداقات
وفعلا انت كلامك جميل
وبعدين الجمل اللى بتتنطط دى مش لاقيا حد يقولها اهدى علينا شوية دوختينا وياريت قبل ماتطير تمسكيها
نصيحة اعملى مصيدة
تحياتى لابداعك الجميل
وموهبة الشعر هى عندك بالفعل لكن عاوزة بس تكتشفيها
اسلوبك جميل
ومخاطبتك لقلمك مخاطبة حبيب لمحبوبه
الذى افتقده واشتاق اليه
مدونة حلوة وبوست رائع
بالتوفيق
ماهي المشكله ان الواحد عايش في الاحلام وبيصتدم دايما بالواقع
وكتير بيوهم نفسه انه مش لوحده بيفكر ولا لوحده بيتألم
لكن الحقيقه انه بيكون لوحده في عالم صنعه من ورق طارت في لحظه واتبددت معاها كل الحروف
حتى لما بيتمرد على حاله مفيش حاجه بتطاوعه لا قلبه بيبطل ينبض ولا عقله بيبطل يفكر وكل مافي الكون بيفكره بس بحلمه الخالد
طولت عليك يا ياسر
لكن اعمل ايه خدني الكلام
حقيقي شرفتني بمرورك الجميل
اكيد طبعا يا عرفه
على فكرة انا بحب اللغه العربيه جدا وبحاول قدر الامكان استخدمها بشكل كويس واكيد لاحظت دا في اغلب اعمالي
لكني مش بدعي العلم ومعترفه اني معرفش في اللغه الا القليل لكن اكيد مع الوقت واستمرار متابعتي لعباقرة اللغه والادباء هقدر احصل ولو قدر بسيط
وربنا يسهل ويرجع فعلا العصر الذهبي للغه وتبقى اللغه الاولى والرسميه في كل المؤتمرات واغلب البلاد
نورت يا عرفه
نهر الحب اهلا بيكي ياقمر
انا فعلا تعمدت اني اخاطب القلم بالشكل دا ..
كتير بيكون القلم هو الحبيب والصديق او افضل كمان يكفي انه يحلق معايا في دنيا الاحلام من غير مايقول دا مستحيل ومجرد خيال
نورتيني ياقمر
دمتي بود
من بقك لباب السما يارب
وبعدين انتى بتكتبى حلو قوى واللغة الغربية محتاجة ممارسة قبل ما تحتاج تعلم وانتى كتابتك حلوة ودة هيساعدك قوى
وياما فى ناس تعرف لغة ومتعرفش تستعملها
ما شاء الله عليكى .. سعدت بمرورى بمدونتك البديعه .. كلماتك جميله وصادقه .. ان شاء الله سيسعدنى ان اقرأ كل ما فاتنى كلما سمح الوقت وده طبعا ان سمحتى لى ..
وفقك الله ودمت بخير وسعاده دائما
خالص تقديرى وتحياتى
rovy
أختاه الصغيرة
حبيبة القمر
تحياتى البالغة على هذا البوست
ولكنها حالة نمر بها جميعا نحن المؤلفين
ولكنها سرعان ما تزول
فلا تطاوعيها لأننى طاوعتها قبلك فى كتابة الشعر بالعربية الفصحى
والنتيجة..
أنها لا زالت حتى الأن تلازمنى ..
أتدرين ما هى المدة..؟؟؟
لا تندهشى...ثمانى سنوات وأنا أحاول أن أعود ولا أستطيع
ففضلت أن أكتب العامية حتى لا تندثر موهبتى..
غدا يصالحك القلم وتبدعى كما تعودناكى دائما
تحياتى لكى..دمتى متألقة
الله يكرمك ياعرفه ..انا هتحايل على القانون قصدي عالقلم وهنزل حاجه كنت كتبتها زمان اول مابديت امسك قلم وانشره من خلال الشبكه العنكبوتيه
خليك معايا وتابع
هتشوف تحف ان شاء الله
تحياتي ليك
روفي الجميله شرفتني بالزياره يامرحبا يامرحبا.....
انا اللي سعيدة بمرورك وان شاء الله تعجبك كتاباتي الجايه .
كل الود غاليتى
واحد من البلد دي
ازيك الاول وعامل ايه
حقيقي من وقت للتاني مش بقدر اكتب ولا حرف مش لقلة الافكار ولا قلة الوقت لكن الذهن بيبقى مشتت في اكتر من اتجاه والاقي الكلام كتير مش عايز يترتب واول مابدأ في جمله تيجي فكرة تانيه تاخدني من الفكرة الاولى وتبدأ المعركه داخل عقلي مابين الافكار وبعضها
والنتيجه انتحار كافة الافكار .. مع صفحات مليانه خربشات برجعلها من وقت للتاني
بس حكاية 8 سنين دي حاجه مبشرة بالخير
حاول تكتب بالفصحى واكيد هتقدر تبدع
زي مابتبدع في العاميه
ربنا يديم عليك الموهبه الرائعه
ويديم تواجدك الجميل في مدونتي المتواضعه
إرسال تعليق