السلام عليكم ورحمة الله وبركاته
منذ فترة تم تمرير تاج لي من الغاليه الي قلبي
الدكتورة اسماء وهي واحده ممن اعشق حروفهم الى
حد الادماااااان
بالطبع تمنيت ان ابوح لكم بالكثير عن ذاتي ولكني اكتشفت اني لا اعلم سوى القليل وللحق لازلت حتى كتابة تلك السطور لم استطع تحديد اجاباتي رغم بساطة الاسئلة "حتى اني استنفذت كل وسائل المساعده"
المهم خرجت لكم بالاتي:
بسم الله
هواياتي :كنت زمان احب الرسم وخصوصا على الزجاج وكنت اندمج جدا واعيش حالة من الجنان الغريب وصراحه كنت اعشق حالة الفوضى التي اسببها من حولي واستمتع بانتباه الجميع لكل خطوة اقوم بها ولا اخفي عليكم فغالبا هناك خسائر(خصوصا من مية النار) لكن الحمد لله ربنا بيلهم امي الصبر مادامت النتيجه ترضيها ودايما كانت تسألني ازاي تعرفي ترسمي وسط الفوضى دي كلها وارد بنوع من الفخروالفرشه في بقى" هما المبدعين كده" هييييييه كانت ايام
كمان كنت بمارس رياضة كرة السله (محدش يفكر اني نخله) هما 169سم لا غير مش كتير يعني
المهم تخليت عن كل دا واصبحت هوايتي وحياتي مع القلم وادمنت التحليق معه في عالم فريد من الاحلام .
اشهر عيوبي: اشهر عيوبي على الاطلاق هي اني لا انسى بسهوله..( سامعه حد بيقول قلبي اسود) من يعرفني جيدا يدرك تماما اني اعطي كل شئ حقه ولا ابخل بمشاعري ابدا فإن احببت احببت بعمق وصدق شديد جدا وقد اهب حياتي وروحي لمن احب (سواء حبيب او صديق )وحتى في العمل ومن قبل في الدراسه ومع ذلك فقد خذلني كل شئ فصرت احتفظ بذكرياتي التى امقتها ولا استطيع نسيانها.
حاجات بحبها اوي ومش بمل من تكرارها: بحب اوي اكون لوحدي ومعايا القلم وانفصل عن الواقع واعيش احلام بحسها شبه مستحيله لكني مؤمنه بيها وبحاول احققها بس صراحه غالبا بيصدمني الواقع وبعنف بس برجع اكرر الحكايه دي كتيررررررر بلا كلل او ملل
حاجات بكرهها جدا: اكره ان حد يجبرني احكيله حاجه مش عايزة احكيها ... وبكره جدا الوداع ولحظة الفراق لكني موعوده بيه
وبكره جدا اكون مندمجه في اي حاجه وحد يسألنى سؤال او يخرجني من حالة الاندماج دي ..غالبا ممكن احدف طووووووووووب
سؤال بيستفزنى جداا: اممممممم مفيش جديد ؟
لما بكون تحت تأثير انفصالي عن الواقع بحس بسعاده غريبه وكل اللي يشوفني يبقى مستني اني اقوله سر سعادتي وتفضل العين مبرقه ليا والبق اوقات كتير يتفتح في بلاهه غريبه وتتقال الكلمه السحريه (المعكنناتيه)ايه هو فيه جديد ولا ايه؟!اجابتي هي الحمد لله ومن جوايا بصرخ (انتو مالكوااااااااا)
امنيتي في الحياه: ان اثبت ان الحب موجود وان انعدام المشاعر بين البشر هو سبب في بعد الناس عن بعض واننا بحاجه للايمان بما يفعله الحب من معجزات بجد
حاجات مؤمنه بيها جدا : ان الحياه لن تعطيني ما اتمناه وقت ما اطلب... ولكني مؤمنه اني بالصبر والاصرار سأصل الى ما اريد
اكتر حاجه فاشله فيها: الحفاظ على من احبهم ..دايما بتفرقنا الاماكن لكنهم بيفضلوا ساكنين جوايا وبعيش معاهم يوم بيوم لكن في خيالى وبس
وظيفة احبها: اي مجال قيادي مش بقول لأ... المهم محدش يديني امر .
وعشان كده بحب السيبر بتاعي جداااا لأني مديرة نفسي فيه ولو انه بقى متعب اوى
مثلي الاعلى في الحياه : هو والدي في تفكيره وعقله الكبير وكمان ماما في طيبتها وسماحة قلبها اللى بتمنى اوصل لربعه
اخيرا امرر التاج لمين
صراحه مش عارفه
بس اللى يحب التاج يتفضل والله مش هعزه على حد التاج تاجكم في اي وقت
سمعوني تصفيق حاد لانتهائي بحمد الله من التاج الجميل
ميرسي ياجماعه
دمتم في حفظ الله
15 همسـاتكم:
يا حبيبى انتى طيوبه خالص ومتقوقعه ههههههههه حلوه متقوقعه دي
لا بجد ربنا يحقق لكى اللى تتمنيه يا قمر
وتعيشي وتدبسي فى تاجات
ابي
ميرسي ياعسل والله انتي اللي طيوبه وحبوبه وحاجات كتيرة كده
بس مين متقوقعه دي اللي جايه من قوقع تقوقع متقوقعاوشوية كلام مقوقع وانا مش فاهم حاجه ههههههههههههههه
اعترافات همساتية
D:
جميلة اوى
شخصية حقيقى جميلة
بها ملامح الفنانات
هيامهم واحلامه وخيالهم
دمت جميلة
كما انت
تحياتى وحبى
اعترفات جريئه
بس من متابعتى لمدونتك
ويمكن دى اول مره اعلق
انا مش شايف ان قلبك اسود
لاء
دا بمبى خاالص
هههههههه
بجد كلامك قربنا من شخصيتك
تحياتى
احمد سكر
كلام كلة منطقي وبجد شخصية جميلة
هواياتك جميلة جد الرسم علي الزجاج ان دل يدل علي
شخصية شفافة وصريحة لحدا ما
وكرة السلة لعبة جميلة وممتعة
والورقة والقلم هما تعبير عن النفس بكل صدق
وصراحة وهما اقرب اصدقاءنا كاتمين اسرارنا
وساعات كتير بنطير لفوق بي احلامنا لفوق
في الفضاء احلام فضائية
اما بالنسبة للعيوب....
انك متنسيش بسهولة دي من وجهة نظري الخاصة انتي
صح لان لاا القسوة ولاا الطيبة بتتنسي
ودة بردة شي مميز في الانسان عدم البخل في المشاعر
والاحاسيس وان دل يدل علي انك انسانة حساسة
(سواء حبيب او صديق )علي فكرة كلنا في الهواء سوا
زي ما بيقولوا فقد خذلني كل شئ فصرت احتفظ بذكرياتي التى امقتها ولا استطيع نسيانها
حاجات بحبها اوي ومش بمل من تكرارها...............
نفس الشي عندي ......
سؤال بيستفزنى جداا.
(المعكنناتيه)ساعات نفس الشي المهم ان الانسان بيكون سعيد وبس
وانا عندي سؤال بسالة لنفسي علي طول امتي هستقر في مصر بس
امنياتك ان الحب موجود وان انعدام المشاعر ودة عندي تحدي
حاجات مؤمنه بيها جدا....
لاا لازم نحمد ربنا وعسي ان تكرهوا شي وهو خيرا لكم
وعسي ان تحبون شي وهو شرا لكم
ولكني مؤمنه اني بالصبر والاصرار سأصل الى ما اريد
اجمل شي هو الصبر واصرار الانسان علي ما يريد اي الهدف
اكتر حاجه فاشله فيها:
علي فكرة انتي انسانة صريحة جدا علشان
كدة بتخسري الا بتحبيهم
دايما بتفرقنا الاماكن اتفق معكي
بجد وبصراحة شخصية صريحة جدا وناقية وشفافة الروح والقلب
MERCI
فائق احترامي وتحياتي سيدتي الفاضلة
دومتي بخير
شكرا حبيبة القمر
مساحة حرة
تعرفنا خلالها على اعماق شخصيتك
لا اعرف لا يبدو لي انك من الشخصيات التي تتراكم داخلها المشاعر
أجدك صافية شفافة كالزجاج
تلقائية
و ما أجمل التلقائية في شخصية الانسان
تحية جانبية لصاحبة التمرير
د/ اسماء
تحياتي و تقديري
مبروك التاج....اكيد هتعديه على اختك شفقة صح؟
على فكرة احسان عاد اليكم فى ثوبه الجديد
بعد علقة المجداف ابقى تعالى علشان نشرب النيسكافيه سوا
أنت إنسانة بما لها وما عليها
يمكن عيبك أنك مع نفسك بس في ناس كتير كده ودا ممكن يكون مش برغبتهم في كتير من الأوقات
ربنا يوفقك ويحقق لك كل أحلامك اللي بتحمليها مع نفسك
تحياتي
كاميليا
صاحبة الزوق الرفيع
والقلم البديع
ازيك ياعروستنا
اخباراتك ايه ياقمر
حقيقي ميرسي لكلامك الجميل
دمتي بخير غاليتي
احمد سكر
ميرسي يافندم
والله اوقات كتير بصدق حكاية القلب الاسود دي
بس هقول ايه اكيد الناس دي متعرفش اللون البمبي اصلا
ميرسي لزوقك بجد
دمت بخير
ياسر
السلام عليكم
انا فعلا بحس ان الورقه والقلم اقرب الاصدقاء
وحتة اني مش بنسى بسهوله حقيقي بتتعبني جدا لأنها من وقت للتاني بتبقى زي سكين بيدبح من اول وجديد
زي ماهي بتخليني افتكر امتع اللحظات في حياتي
منكرش اني مش بحب البخل في المشاعر لكن
صراحه بتعلم اليومين دول ابقى بخيله شوية في مشاعري او بمعنى اصح في البوح بمشاعري
لو انك تعتقد ان صراحتي هي سبب بعد الناس عندي في بعض الاحيان
لكني هقولها بشكل تاني الناس دلوقتي بتفضل النفاق ودا شئ صعب عليا
واضح يا ياسر اني عشان ارد عليك محتاجه بوست تاني ههههههههه
حقيقي انت انسان بجد
وانا بشكرك على كلامك الجميل دا
ومبسوطه بالتشابه اللي انت شايفه بينا
دمت بخير
وجه جديد
ازيك يادكتور
انا اللي بشكرك لصبرك على قراءة ما كتبته عن نفسي اللى عشان اعرفها كده استعنت بوسائل المساعده كلهاااااااااا
ميرسي ليك بجد
دام مرورك الجميل
شفقه حبيبتي
اتفضلي ياقمر
التاج تاجك وانا هستنى ردك عليه في اقرب وقت
استنيني انا جايه النسكافيه من غير سكر متنسيش
اديني بوفرلك اهو
تحياتي ليكي ياقمر ولاحسان بيه
عارفه مش عارف ليه
ازيك ...
انا فعلا بحب اكون مع نفسي كتيرررررررر
بمزاااااااجي ماشي
مش هروب من الناس والكلام دا بالعكس بس انا بطبعي بحب الهدووووء
خصوصا لأني بحب افكر في كل حاجه كويس اوي اوي اوىىىىىىى
ميرسي لزيارتك
ياريت تتكرر دايما
طيب قوليلي .. اندهي عليا
اعملي اي حاجة اعرف انك رديتي على التاج
مش آجي بالصدفة البحتة جدل و جدا تاني كمان ..!
...
حبيبة القمر ..
ويبدو لأنكِ تحبين من كل قلبك تكون صدمتكِ قاسية .. لذا لا تنسين مثلي ..
ويبدو لي أيضا أن من كثرة الصدمات أصبحتي لا تجيدين سوى التذكر..
...
فترة .. صدقيني هي فترة وستمر كما أخبر نفسي دوما ..
...
ويبدو لي جدا أنكِ لا تحبين التدخل في أمورك ..
ياسيدتي الكثيرون يحبون الثرثرة لذا اتركيهم يسألون ويثرثرون وانتِ بمنأى عنهم ..
...
جميلة جدا انتِ ..
وأصدقك القول الجلوس مع الورقة والقلم
أو مع الكيبورد والشاشة أجمل بكثير من أي بشر ..
حتى البشر على الشاشات لهم رونق وكاريزما أخرى ..
لذا دعينا نتلمس طريقنا في تلك الدنيا التي صنعناها ..
.........
غاليتي
كما يبدو لي لا تحتاجين مساعدة على الإطلاق
كلماتك عفوية ..
...
كما أرسمك دوما في مخيلتي من تعاملي القليل معكِ و من قرائتي لأعمالك
يبدو أنكِ حساسة جداااا
لذا بعد بعض الصدمات قررتي الإبتعاد حتى تحافظي على روحك الشفافة ..
...
حقا اجاباتك حملت لي بعض المفاجآت
وكثير من العشق لكِ
..
دمتِ جميلة كما انتِ
إرسال تعليق