RSS

الصفر العاطفي

احبتي واخواني في الله
السلام عليكم ورحمة الله وبركاته
لكم مني كل التحيه لسؤالكم عني فترة غيابي الغير مبررة
ولكم مني خالص الاسف وشديد الاعتذار
لم يكن الامر بيدي حقا
فقط لم اكن بحال تسمح بالتواصل معكم وكتابة اي جديد
لكني كنت متابعه ان حانت الفرصه من بعيد لبعيد
اعتذر منكم مرة اخرى
وكل عام وانتم بخير
*****
منذ فترة وقع تحت يدي مقال رائع كتبته منى سراج في احدى المجلات الشهيرة وللحق لم اقرأ لها من قبل ..
لكن استوقفني العنوان وهو ..." الصفر العاطفي" تقول فيه :
نحن جيل آمن بالرومانسية وصدق القصص والاغاني والافلام العاطفيه وعندما دخلنا الى ستدويوهات الحياة اكتشفنا ان دموع البطله (جلسرين) وهالات الارق والعذاب تحت عينيها (ماكياج متقن) والقمر الذي يضيء وجهها الحزين (دائرة من القماش الابيض يسلط عليها الضوء) والبحر الهائج الذي يحيط بها مجرد (حوض ماء قطره 2متر) على اكثر تقدير وحبيبها الذي يصارع الامواج من اجلها دور يقوم به (دوبلير)او بديل.
وتكمل قائلة : لقد اقتربنا من الحقيقه وادركنا الخدعة وعجزنا عن اكتشاف البديل فعاش معظمنا مسكون بالخوف.. الخوف من مواجهة الحقيقة والعيش في وحدة او الاستسلام لقانون اللعبه العاطفية والعيش في كذبة.الرومانسية صورت لنا ان الارتباط المبني على الحب علاقة بدون صراعات وحياة بلا منازعات وحوار بلا اختلاف في وجهات النظر وان العطاء بلا مقابل حب والتضحيه بلا حدود حب وايثار الاخر حب وعلى ارض الواقع ادركنا ان العطاء والتضحية وايثار الاخر على طول الخط هو نوع من القهر وفقدان للذات والارادة والعطاء اذا لم يكن متبادلا وعلى نفس الدرجة من الحب والتقدير والاحترام فإنه يتحول مع مرور الايام الي قنبلة من الاحباط قابلة للانفجار في اي لحظة.وفي الختام قالتبرغم هذا فنحن جيل استطاع المغامرون منا ان يكسروا (تابوهات) الخوف الاجتماعي ويواجهوا فشلهم واخفاقهم الانساني بصدق على امل ان تساعد خبراتهم الاجيال الجديدة لكي يعيشوا حياة عشرة على عشرة.
اتممت قراءة المقال وانا اتساءل هل نحن ذلك الجيل الذي من المفترض انه تعلم من اخطاء الاخرين هل نحن ممن يؤمن بالرومانسية من الاساس؟؟ام اننا جيل التمثيل واتقان الادوار؟؟
فنحن جيل التكنولوجيا بضغطة زر نقوم بعمل داونلود للمشاعر ثم نقوم بعمل ديليت لها بعد فترة قصيرة فلا وقت لدينا للثبات على حال واحد والعالم كله مفتوح امامنا وفي تغير مستمر...
إذا بشكل او بآخر نحن لا نختلف عن جيل الصفر العاطفي
خالص تحياتي

  • Digg
  • Del.icio.us
  • StumbleUpon
  • Reddit
  • RSS

31 همسـاتكم:

Empress appy يقول...

حبيبه
كل سنه وانتى طيبه يا قمر
المقال حلو بس احنا مش بتاعلم يا حبيبه وهنفضل نصدق ونعيش طول الوقت فى الاحلام لاننا بنعتبرها مسكنات بعيد عن واقعنا اللى عايشنه بس
الا القله القليله اللى تقدر تفرمل حياتها وتفهم الحب واللاقات صح وتحطها فى اطار مظبوط

حبيبـــــــة القمـــــر يقول...

وانتي بالصحه والسلامه ياقمري
افتكر احنا مش عايزين نتعلم يا ابي
عايزين نعيش في الحلم ونهرب من واقعنا
وبنحاول نصدق ان الحلم ممكن يتحقق
المشكله يا عزيزتي ان حتى الحب اصبح لا يحقق السعاده

Nasimlibya `√ يقول...

الها بيك من جديد
عجبتني الداون لوود ودليت بالفعل في بشر برمجو مشاعرهم كبرمجة الكمبيوتر ؟؟ وعجبي
عيدك مبارك وكل سنة وانتي طيبة

غير معرف يقول...

حبيبة

ألف حمد الله على السلامة يا قمر

والله انا فرحان قوى انك رجعتى تانى تكتبى وحشتنا كلماتك الرقيقة
المقال جميل فعلا بس انا من رأى آبى احنا مش بنتعلم من أخطائنا

بس أكيد فى ناس بتحاول تقرا الواقع وفاهمة وعندها نظرة زيك كدة

كل سنةوانتى طيبة

ويارب تفضلى معانا على طول

تحياتى

(احمد سكر ) يقول...

حبيبه

كل سنه وانتى طيبه

المقال رائع

تسلم ايدك

بس فى حاله مزاجيه لاتسمح بمناقشته

دمتى بكل الود

وكل سنه وانتى طيبه

احمد

أ / أحمد عبد المنعم يقول...

بسم الله الرحمن الرحيم
كل عام وأنت بخير
وكل زائرى مدونتك
وتقبل الله الصيام
والقيام
والزكاة
وجعله عيد يمن وبركة عليكم
وأدعوك لزيارة مدونتى " أمــــى "

غير معرف يقول...

اللهم يا سامع النداء
ومجيب الدعاء
امنح قارئها راحة البال والخاطر
ونجه من المخاطر
وكن له ساتر
وبلغة الفطر مجبور الخاطر

عيد سعيد عليكم
وكل سنة وانتوا طيبيين
مستنى تهنائتكم بعيد ميلادى على المدونة

اول ايام عيد الفطر

غير معرف يقول...

السلام عليكم ورحمة الله وبركاته

كل عام وانتي بخير
عيد سعيد
وحمد الله علي السلامة
افتقدنا كتير مقالاتك وكلماتك المعبرة
واعجبني كثيرا مقال سؤال
واليست حماقة
واخيرا وداعا دميتي
اولاا دعيني اعلق علي كلمة الصفر العاطفي
مستحيل يكون انسان او بشر لو وصل لحالة الصفر العاطفي
اي شي بة روح وقلب ينبض وشهيق وزفير لدية العاطفة
جيل امن بالرومانسية ؟
جميل جدا ان يكون الانسان رومانسي
بغض النظر عن الافلام او الاغاني العاطفية
فا الرومانسية غريزة في الانسان وطبع بة
دون اغاني او افلام ممكن تكون الاغاني والافلام غذاء وتنمية للرومانسية
اما للتجربة العملية واستديوهات الحياة لابد ان تكون
فا لابد ان تبداء بالاعترافات والصراحة دون اي شكوك والانسان يدع
الفرصة للطرف الاخر بلاا شك في كل حرف يقولة او تكذيبة
علاقة حب بدون صراعات وها انتي ذكرتيها داخل مقالتك الجميلة
العاطفة والحب يبداء اول شي بالثقة والصراحة المتبادلة
ودعيني اقول كلمة اخيرة
الرومانسية هي احساس الانسان
وعمر القمر لم يكون دائرة من قماش
والبحر ايضا مستحيل يكون 2متر
اما بالنسبة للخدعة او اللعبة العاطفية والكذبة عطاء تضحية
عيد سعيد

حمد الله علي سلامة حضرتك
تحياتي
طائر الليل الحزين

RASHA يقول...

أكيد مش كلنا كده

فى منا بيحمل مشاعر حقيقية

وصادقة

shabfa2re يقول...

beeeeep beeeeeeeep
happy eiiiiiiiiiid

واحد من البلد دى يقول...

السلام عليكم
إن سبقتنى فأنتى الكريمة إبنة الكرام

و إن سبقتكى فلأنكى تستحقين الإحترام

نحن لا نرسل لمن يعيشون معنا

ولكن نرسل لمن لا نستطيع العيش بدون تواصلهم و صداقتهم

أتمنى و أدعو الله عز وجل أن يجعل أيامكى سعادة و صمتكى عبادة و خاتمتكى شهادة و يؤتيكى الحسنى و زيادة

كم أفتقدكى أختاه و جميع من أتواصل معهم فى ظل صداقة قوية و إحترام متبادل
ولكن و الحق يقال أننى لم أستطع أن أستمتع بالعيد و فرحته..
لأسباب ذكرتها فى قصيدتى الجديدة..

أتمنى أن تقرئيها

كل عام و أنتى بكل خير

حـــــدوتـــــة يقول...

السلام عليكم

كل سنة وانتى طيبة
وعيد سعيد

موضوعك ده مهم وعايز تركيز وانا الصراحة واكل كحك مخلينى مش شايف قدامى
اوعدك انى ارجع تانى وانا مركز شوية

سلالالالالالالالالالالالالالالالالالالالالالالالام

romansy يقول...

كل سنه وانتى طيبه
بس برضه لازم نحب بعض
ونخاف على بعض
برغم كل الكذب اللى حوالينا
بس نحاول

حبيبه يقول...

كل سنة وانتي طيبة ياحبيبة وعيد سعيد عليكي
بصي انتي ممكن تقولي احنا جيل بيدور ع الرومانسية اللي مش موجودة وفي ناس بتفضل عمرها كله تدور عليها وناسبتحاول تعيش فيها لكن المهم اننا بندور
تحياتي لكي

غير معرف يقول...

حبيبة

انتى ناوية ترجعى تنفضى تانى ولا ايه

احنا قولنا خلاص حبيبة القمر رجعت

والقمر مرجعش يزعل ويقعد لوحد سهران الليالى مستنى حبيبته تقومى ترجعى تانى تغيبى

يا ريت متنسيناش بقى وتتابعى معانا

سلامووووووووووز

حبيبـــــــة القمـــــر يقول...

المحارب المتيم
الله يسلمك ياعرفه
صدقني انا كمان فرحانه برجوعي للكتابه من جديد

لأننا مش بنتعلم من اخطأنا
بنعاني كتير ونآسي

اتمنى فعلا اني اكون قريت الواقع وفهمته زي مابتقول
دقني كلنا بنتعلم ياصديقي
كل سنه وانت بصحه وسلامه
وعيد ميلاد سعيد وعقبال 100 سنه
خالص احترامي

حبيبـــــــة القمـــــر يقول...

احمد سكر
ازيك يا احمد
كل سنه وانت طيب يارب
ميرسي ليك
بس ليه مش في المود ياترى
روق كده ومتشغلش بالك كتير
الدنيا مش مستاهله نقضيها في انشغال وتفكير على طول
بعدين احنا في ايام مباركه
كل سنه وانت طيب

حبيبـــــــة القمـــــر يقول...

احمد
الف شكر على دعوتك الكريمه
دا يشرفني
كل سنه وانت طيب

حبيبـــــــة القمـــــر يقول...

المحارب المتيم
اللهم امين امين امين يارب العالمين

بارك اله فيك ياعرفه
واكيد رسالتي وصلتك ياباشا
كل سنه وانت طيب يارب

حبيبـــــــة القمـــــر يقول...

طائر الليل الحزين
عليكم السلام ورحمة الله وبركاته
كل سنه وانت طيب يارب
الله يسلمك
حقيقي عاجزة عن الشكر لكلماتك الراقيه
سعيده جدا برأيك في كتباباتي المتواضعه
انا بعتبرها شهاده ووسام من شخصيه متميزة في عالم التدوين


في البدايه دعني اختلف معك
فما فائده القلب ان خلا من المشاعر الطيبه وامتلأ فقط بالزيف والخداع
اي احساس هذا الذي يحتويه
انه بنظري اقل من الصفر بل وصل لحاله من الجمود والجحود .

معاك ان الرومانسيه احساس راقي
يتولد لدى الانسان ويمكن ان ننميه بكافة الوسائل التي تخاطب الروح والاحساس

ذكرت استديوهات الحياه ومافيها من زيف وخداع
اناس ينادون بالحب ولكنهم اول من يقتله
صدقني حين تنظر عن كثب للتجارب من حولك
ستجد ان القمر قد يكون قطعه من القماش
والبحر مجرد 2 متر

وقتها ستلوذ بالفرار داخل مملكة خيالك
هناك فقط ستجد القمر قمرا
والبحر بانتظار ان تحكي معه اجمل حكايات الحب

ايها الطائر الذي غرد برقي واحتراف في صفحتي
لا تحرمني مرورك الطيب
دمت بخير

حبيبـــــــة القمـــــر يقول...

شاشا
بالطبع عزيزتي
منا من يحمل مشاعر صادقه
ولكنها نادرا ما تقابل بنفس الصدق والاحساس
زيارة اولي اضاءت واضافت لصفحتي
فلا تحرميني تلك الطله
خالص ودي

حبيبـــــــة القمـــــر يقول...

شاب فقر
كل سنه وانت طيب
وبصحه وسعاده وراحة بال
اللهم امين

حبيبـــــــة القمـــــر يقول...

واحد من البلد دي
اخي الكريم
عليكم السلام ورحمة الله وبركاته
لكلماتك رونق خاص تنفرد انت به
ذلك لأنك صاحب قلم مبدع وفكر واسلوب نجله ونحترمه
اشكرك لجميل دعواتك لك مني مثلها وزياده
اعتذر لغيابي وعدم تواصلي
لك مني كل التحيه
وكل سنه وانت بخير

حبيبـــــــة القمـــــر يقول...

حدوته
عليكم السلام ورحمة الله وبركاته
كل سنه وانت بخير وصحه وسعاده
كل سنه وانت بتاكل كحك بس بشويش مش بزياده
ههههههههههه
يهمني اكيد اسمع رأيك بتركيز
خالص تحياتي

حبيبـــــــة القمـــــر يقول...

فري كيلر
اشكرك لدعوتك الكريمه
اتمنى لو استطيع الحضور لأتشرف بمعرفتكم الطيبه
جعله الله جمعا طيبا موفقا باذن الله
لك تحياتي

حبيبـــــــة القمـــــر يقول...

رومانسي
وانت طيب وبصحه وسعاده
اكيد لازم نحب بعض ونخاف على بعض
بس بجد مش بالكلام
لو كل واحد فينا اصبح صريح اكتر مع نفسه
ومع الاخرين
اكيد هنحب بعض صح
خالص احترامي

حبيبـــــــة القمـــــر يقول...

حبيبه
كل سنه وانتي بكل خير عزيزتي
ويارب دايما تكوني في حب وسعاده
مادمنا بندور عالرومانسيه من غير مانغير مفاهيمنا وافكارنا يبقى مش هنلاقيها
صدقيني ممكن تكون الرومانسيه بداخل كل منا
لكن اغلبنا بيشوفها ضعف ومجرد خيال واوهام
سعيده بتواجدك للغايه
فلا تبخلي عليا بزيارتك دوما
دمتي بحب

حبيبـــــــة القمـــــر يقول...

المحارب المتيم
ماتقلقش
انا بس كنت بعيد واديني جيت
ههههههههههههه
تعبيراتك رهيبه يا عرفه
ربنا يكرمك يارب
انا موجوده ومش هغيب
لا تقلق
مش ناويه احرم نفسي منكم تاني
خالص تحياتي

حبيبـــــــة القمـــــر يقول...

نسيم ليبيا
اهلا بيكي يا قمري
بما اننا في عصر التكنولوجيا
فمفيش اسهل من اننا نعمل ديليت لمشاعرنا ونعيد التحميل من جديد

كل سنه وانتي طيبه ياجميله

rovy يقول...

الحبيبه حبيبه
كل عام وانتى بالف خير .. وحشتينااا

ويا رب عيد سعيد عليكى و على احبابك ولو انى تأخرت قليلا فمعذره

اختيار موفق للمقال ..

ادعوا الرحمن ان يوفقك دائما

تحياتى

حبيبـــــــة القمـــــر يقول...

روفي
كل سنه وانتي طيبه ياقمر

انتي كمان وحشتيني ووحشني عالم التدوين بكل مافيه

وحشتني طلتك ودعواتك الرقيقه
بارك الله فيكي غاليتي