.jfif)
انتظرت كثيرا حتى مل الانتظار منها ..
نظرت الى يدها وتلك الدبله التي اختنقت من تجاهل صاحبها ..
فصارت كطوق خانق يضيق يوما بعد يوم..
اخذت حقيبتها وغادرت المكان وهي تردد في حنق .. لن احتمل المزيد .. حتى يوم ميلادي .. انها النهايه اذا.
وصلت الي البيت وهرعت الي الثلاجه واخرجت كل محتوياتها وجلست تأكل في نهم شديد وقد سخرت كل حواسها لالتهام ما امامها دون ان تدري ماهو ولا كيف طعمه ..
ولم تمضي سوى لحظات حتى شردت احدى حواسها الى شئ اخر غير الطعام..
ثم توقف كل شئ فجأه ..
وتعلقت عيناها بالباب وانتظرت لحظات .. حتى سمعت الجرس مرة اخري ..
ايكون هو .. ؟
ربما ..!!
وقفت تنظر اليه في ذهول وهو يعتذر لها لتأخره عن الموعد ..
لم تجبه ..
بل ظلت تنظر اليه ..
فقط تود الاطمئنان انه بخير ..
لم تكن تسمع كلمه مما يقولها فقط تحتضنه بعيناها الدامعتين ..
ثم .....
ثم ...
امسك يدها وترك لها ورقه واشاح بوجهه عنها وابتعد قائلا " اذهبي الى وابور النور لتدفعي الايصال هناك .. فلن انتظر طوال اليوم .. ناس اخر زمن "
ها .........
انتبهت لذلك الصوت الجهور ..
ونظرت للورقه في يدها ...
فانطلقت من صدرها زفرة حارة ذاب مع لهيبها ذلك الخيال الواهى .
20 همسـاتكم:
روووووووعة
احلى حاجة التحول اللي
في الاخر بعد ما سبحت معاها
والدموع كانت هتنزل
برافو عليكى..إنتى بتتقدمى بسرعة الصاروخ..لالالالالالالالالا بلاش الصاروخ..أحسن ييجوا يفتشوا بيتكوا...بسرعة وخلاص..تحياتى ليكى
امل .. ازيك ياقمر
انا قلت لازم النهايه تبقى مختلفه وفي نفس الوقت واقعيه..
شرفتيني ونورتينيي
واحد من البلد دي
يا هلا يا هلا ..
طب قول عربيه ولا طيارةانا موافقه..لكن صاروخ روح ياشيخ من بقك لباب السما
بجد سعيده برأيك جدااااااا
طب ليه المقلب ده
قصة جميلة رغم قصرها .. تخيلت الموقف كامل
ما شاء الله .. استمري
هههههههه ايه الاسم الخطير دا
الله يكرمك ياكوارث ... ميرسي على مرورك الجميل دا
السلام عليكم
دى اول مرة ازور مدونتك وهى جميلة جدا من غير مجاملة
بس فى حاجة ليه تخلينى اتوه معاكى خليكى بسيطة شوية وبعدين كتابتك رائعة جدا على ما هى عليه بس لوشوية توضيح فنى فى الخواطر والقصص اللى بتكتبيها يعنى داخل العمل نفسة هتبقى روعة ده رأيى الشخصى واللى بحبه بس ممكن فى ناس بتحب كتاباتك زى ماهيا مكتوبة لأنهم غصب عنهم يحبوها زى ما حبيتها
معلهش طولت عليكى استحملينى علشان اول مرة ازورك ومش هتكون الاخيرة
حاجة تانى اخيرة
الزمن الذى لم يأتى بعد على الابواب
انا فهمت شيئا من كلمتك ممكن متكونيش قصداها بس دا اللى فهمتة
اتمنى تشرفينى بالزيارة على مدونتى على الطريق كلام فى الادب والسياسة والاجتماع والدين والقضايا العامة
وبعدين انا عامل نفسى اديب وبكتب قصة وشعر ومقالة وخاطرة وبدرس الادب واللغة والنقد
وسلام وفى انتظار مرورك
الاديب العاشق
عرفة فاروق السيوطى
ياخبر ابيض
اولا البوست حلو واسلوبك جميل
شديتينا فى مكان وفجاة روحنا مكان اخر تماما
كل الود
برافواا حبيبة
كمان استايل مدونتك حلو
السلام عليكم ورحمة الله وبركاته
دي اول زيارة لي لمدونتك الجميلة
بس والله صعب جدا ان يكون الواحد
او البنت تكون رومانسية بالطريقة
دي ودموع وتعطش لمجرد كلمة
رقيقة وبعد كدا تقابل بوصل الكهرباء
وبابور النور
تقبلي مروري
مع احترامي
وادعوكي لزيارة
مدونتي المتواضعة
دومتي بخير
إنت فين يا جميييييييييييل
عرفه السيوطي
عليكم السلام ورحمة الله وبركاته
اولا نورت المدونه واكيد رأيك في كتاباتي له كل احترام...
وللعلم انا ولا دارسه ولا محترفه في مجال الكتابه ...
انما زي ماوضحت هي همسات او فضفضات لقلمي بحاول قدر الامكان اظهرها بشكل جيد ...
والحمد لله يوم عن يوم بتعلم اكتر
اهلا بيك ياعرفه وميرسي لمرورك
ياسلام نهر الحب شرفت مدونتي المتواضعه
حقيقي سعيده جدا برأيك
ميرسي ياقمر
لو تعرفي قد ايه كنت متردده انشر العمل دا في المدونه
لكن الحمد طلع افضل مما توقعت
خالص ودي واحترامي ..
ياسر
عليكم السلام ورحمة الله وبركاته
بجد انت كلك زوق وارائك قد ايه بتسعدني جدا واكيد هتلاقيني في مدونتك اللي اكيد هتكون جميله جدا
دمت بخير
واحد من البلد دي
معلش السفر والشغل خدني شويه
ميرسي لسؤالك ومتابعتك
حبيبة القمر
مكانش قصدى انى اقلل من كتاباتك بالعكس كان قصدى اكبرها وقصدى تبسطيها يعنى علشان فهمنا على قدنا
انتى بتكتبى لصفوة الصفوة كدة
وبعدين مش كل اللى بيدرسوا فاهمين اللى بيدرسوه وهمساتك تدل على ثقافة واسعة وواعية
تقبلى مرورى
ولك كل تمنياتى بالتميز
معناة كل انثى مهملة من الطرف الاخر
اه لو يعلموا ان مجرد السؤال عن الاحوال يصنع المستحيل
تحياتى لعزفك الشيق
عرفه
السلام عليكم الاول
مين قالك اني فهمت كده من كلامك بالعكس انا حبيت اوضحلك بس
وبعدين ياسيدى بلاش تواضع انت واحد بتقول انك اديب وبتدرس يبقي مش هتفهم كتاباتى البسيطه
نورتنى للمرة التانيه
واهلا بيك دايما
قطة الصحراء
بالطبع هى معاناة تنتاب الكثير من ذوى الاحساس والمشاعر الرقيقه
ولكن قليل من الرجال من يعلم او يشعر بذلك
اهلا بيكى ياقمر
اختى الفاضلة
سرد متميز بسيط رائع عجبنى جدا
شكرا لك وتمنياتى لك بالتوفيق
استاذي الجميل حسن محمد توفيق
وجودك بالمدونه شرف ليا واعجابك ببعض كتاباتي حقيقي بيسعدني
دمت بخير
إرسال تعليق