.jfif)
تعودت الصبر في محراب الهوى
وحين رأيته ما نفعني صبري
بل زاد وجدي من طول النوى
*****
أيا عمرى كفاك انينا
لماذا تتخذ الصمت سبيلا
اخائف انت...؟
اتخشى ان تكون من العاشقينَ
تعالى لنمحو اثار السنينَ
فقد عشت دهرا تبكي القمر الحزينَ
*****
اتاك حبا لا تملك فيه اختيار
حرت في وصفه ونفدت منك الاحبار
فإياك ثم اياك ان تحاول منه الفرار
أيا قلب لك الدنيا فانعم بها
ولا تبالي بكلام او ملام
دع النور يملأ جنبات قلبك
اما تعبت من الظلام..؟؟؟
==============
هل حقا لا نملك الاختيار.. ام اننا نفضل الفرار؟؟
انه الخوف الذي يعترينا ..
احيانا كثيره نتكيف مع الشعور بالوحده
حتى وان كنا نخشاها .. فقد الفناها وصارت لنا رفيقا.
نخشى الفشل .. ولكننا لا نصر على النجاح
وقد نصادف ما يغير واقعنا الحزين ويبدل ظلام دنيانا لنور
ولكننا نراه نارا ونخشى منه الاقتراب
فنصر على ارتداء النظارة السوداء
السنا حمقى؟؟
56 همسـاتكم:
احيانا ما يكون الصبر هو السلوي الوحيدة
لتحمل الم حب ضائع
او من شدة الخوف من التعلق بحب يجرح قلوبنا وهي اعز ما نملك
فدائما ما يكون معنا الاختيار
ولكننا من نختار البعد
فلتكن حماقة فاعين البعض
او هي عين الصواب عند البعض الاخر
لكن يبقي دائما هناك الاختيار
ياسلام بجد عليكي يا حبيبة
جميله في كل ماتكتبيه
جميله في كل احاسيسك وهمساتك
ربنا يديم عليكي رقه احساسك دايما يارب
الحقيقه يا حبيبه جميله قوى بجد لدرجة انى قرأتها اكثر من مره ..
بجد ابدعت .. تسلم ايديك
دمت بخير و سعاده
تحياتى
rovy
سارة ياحبي ....
نصبر عندما لا يتبقى لنا سوى الصبر بديل
ربما لا ننسى الامنا وجراحنا
ولكن ليس علينا الاختباء خلف الماضي
ادمان العذاب يمنع القلب من الرؤية
ويحجب عنه نور الحب
من الحماقه ان نجد حب جديد ونبتعد عنه خوفا من الفشل
كده نبقى بنستخبى وبنهرب ومش عايزين نخرج من دوامة الماضى
مش كده ولا ايه؟
تسلميلي دايما يا ارق سارة
ربنا مايحرمني من اطلالتك الجميله
الغاليه روفي
الاجمل من النص هو قرائتك واحساسك الجميل بيه
لكن ليا طلب ممكن تقولي رأيك في سؤالي عشان استفيد ويستفيد كل متابع باذن الله
دمتي متذوقه لكل جميل
اتاك حبا لا تملك فيه اختيار
حرت في وصفه ونفدت منك الاحبار
فإياك ثم اياك ان تحاول منه الفرار
بجد الله عليكي الله علي كلماتك الراقية
بس عارفة ساعات الانسان بيهرب من حب
جديد خوفا علي الطرف الاخر من ان يعيش
معة جسد بلاا قلب لذلك يخشي الانسان من الحب
الجديد وبيهرب منا خوفا علي المحب ومنكرش طبعا
ان ممكن الحب الجديد دة ممكن يكون اقوي واشد
من الحب القديم ولكن هذا الحب الجديد اذا وصل الي
درجة الاحساس والمشاعر والامتلااك اذا فشل او وجدت
فية اي ثغرات شك سيكون بمثابة تحطيم وحكم بالاعدام
فائق احترامي وتقديري
لكي ولقلمك وحروفك وكلماتك
تحياتي
ياسر منصور
اسف والله ما شوفتش عنوان البوست
اسمحيلي اعلق بس مرة تانية علي عنوان البوست
"اليست حماقه"
معتقدش انة في اي نوع من الحماقة هو بس ممكن يكون
خوف او حساسية زيادة عن اللازم
تحياتي واسف لاني اطالت عليكي وعلقت
مرتين
تحياتي
اهلا بيك يا ياسر
ميرسي لزوقك وكلماتك الجميله
اسمحلي اقولك ان خوف الانسان على الحب الجديد هيدفعه للحفاظ عليه وعدم جرحه مش الهروب منه والعيش في والتمسك باحزان الماضي
وكمان لو اتولد الحب الجديد بشكل قوي كده
فلازم نديله فرصه عشان يستمر مش نقتله وهو لسه في المهد
بالنسبه للشك وعدم الثقه فدول الد اعداء الحب
ومعتقدش ان فيه حب حقيقي بيتولد معاه شك
ولكن ربما غيره من الطرف الاخر
اما الشك وعدم الثقه فدول حاجه تانيه خااااااااالص
دمت بخير يا ياسر
بالعكس يا ياسر مفيش اسف
انا يسعدني انك تعلق على كل جمله كتبتها
قصدت بالحماقه اننا كتير بنضيع الحب من ايدنا بدعوى اننا خايفين علي اللي بيحبونا وبنضحي بسعادتنا ...
واحنا في الواقع بنبقى خايفين على نفسنا ومش بنفكر وقتها في مشاعر اللي حبونا بصدق وكان عندهم استعداد يضحوا بالباقي من عمرهم عشان خاطرنا
دي انا اسميها كده
واعتذر ان كان المسمى شديد شويه
السلام عليكم ورحمة الله
ازيك يا حبيبة وجشني كلامك الرقيق
معاكي حق في كلماتك الاخيرة وان كنت
لا ادري هل نحن حمقى حقا ام لا هههههه
كلماتك جميلة دوما وتحملني معها للقمر
خالص تحياتي وودي
ايه كل ده
أيا عمرى كفاك انينا
لماذا تتخذ الصمت سبيلا
اخائف انت...؟
اتخشى ان تكون من العاشقينَ
تعالى لنمحو اثار السنينَ
فقد عشت دهرا تبكي القمر الحزينَ
اقول ايه طيب
مش هقدر اتكلم والله كلام كبير جداااا
وعاطفى
فاياك اياك ان تحاول منه الفرار
تحياتى
بصى يا ستى
بالراحة كدة خليكى معايا
اولا احنا حمقى لسبب واحد اننا بنلاقى
الحب ونسيبه يهرب مننا وكمان بنضعف
قدام اى انسان نعتقد اننا بنحبه
اقولك ايه انه الخوف الذي يعترينا
هذه كلماتك وكلماتى ايضا الخوف ذلك
الذى يحطمنا بلا سبب
احيانا كثيره نتكيف مع الشعور
بالوحده حتى وان كنا نخشاها
الانسان بيحاول يكون موجود دايما بس
لو ملقيش اللى
يفهمه ................
وفى النهاية ارجع واقول ان تعبيرك جميل
جدا ورقيق وعاطفى وحلو خالص رغم انك
مش حاطاله سكر
ههههههههه
اه جزئية تانيه
فنصر على ارتداء النظارة السوداء
احيانا نلبس نظارات نظر بيضاء
هههههههههههههههه
طبعا انا الحمد لله الحاجة الوحيدة اللى
فاضلالى من الدنيا نظرى بعد ما قلبى
راح لحاله وعقلى تاه وروحى قاعدة فى
بيتها وملهاش دعوة بيا
يا حبيبة اضحكى شويه البكاء مش مفيد
اسألينى انا
تحياتى
اكيد حمى لو اصرينا نلبسها يا حبيبه يعنى الواحد لما يبص للدنيا بنظرة تانيه ويشيل اى حمل من عليه مش تفتكرى هيقدر يحل كل اللى جواه من مشاكل ووجع دماغ اكيد طبعا صح
هايله وتحفه يا حبيبه بجد بس حسه بحزن فيها
امل
عليكم السلام ورحمة الله وبركاته
ازيك ياحبي عامله ايه انتي اللي وحشتيني جداااا
نعم غاليتي في رأيي ارى هى حماقه
اننا منحاولش نغيير واقعنا وندي للامل ضهرنا فهي حماقه
اننا نتمسك بماضي مات وننتظر ان تعود له الحياه فهي حماقه
كل الود ياقمرى
عرفه
اهلا بيك ياجميل
انا عارفه مقدرتش ترد من الصدمه ههههههههههه
انا عايزاك تتكلم
خد راحتك البيت بيتك
اهو كده اهلا بيك مرة تانيه
انا ماشيه واحده واحده اهو
كويس انك متفق معايا في دي
احب الاعتراف ولو كان بالحماقه
الواحد هيفضل لأمتى خايف من مواجهة نفسه بقى
لو فضلنا خايفين عمرنا ماهنشوف صح
وعمرنا ماهنقدر نعالج جراح الماضي
وهتضيع روحنا من غير ماحد يحس بينا
لأننا هنبقى لوحدينا بعد مابعدنا عن كل اللي بيربطونا بالحياه والواقع
ميرسي لوجودك ياعرفه
ابي ازيك ياسكر
غصب عني ظهرت لمحة الحزن ولو اني داريتها بقدر الامكان
للاسف مش اي حد بيملك القوة انه يبدأ من جديد ويزيح عن كتافه اي حمل
فيه ناس بتتلذذ بأنها تحمل اعباء كثيرة بل وتتلذذ بالالم بدون ماتحاول مجرد المحاوله انها تعالجه
وحتى لو الدنيا فتحت ليها دراعاتها تلاقيها بتدور وشها عنها وبترفض الحياه
اول زيارة لمدونتك .. وان شاء الله لن تكون الاخيرة .. أسلوبك رائع وكلماتك عذبة
أيا قلب لك الدنيا فانعم بها
ولا تبالي بكلام او ملام
دع النور يملأ جنبات قلبك
اما تعبت من الظلام..؟؟؟
هايل بجد .. أحيانا من كتر الحزن بنبقي عايزين نلهي نفسنا باي فرحة عشان نخرج من الظلام ده
أسلوبك ينبيء بشاعرة حساسة
أتمني إنك تنوريني وأسمع تعليقك
فارس بلا جواد
اسعدتني زيارتك للمرة الاولى
واستمتعت جدا بكتاباتك في مدونتك الراقيه
انت مبدع ولك اسلوب جميل
استمر يا اخي
دمت فارس للكلمه الجميله
مساء الخير
حبيبتى كلامك جميل اوووووووووى واسلوبك أكثر من رائع
وفعلا شعور الوحدة ده صعب أوى لكن احيانا بيريح وبنهرب من الواقع بأن نكون لوحدنا
دمت بخير وسعادة
بالتوفيق دايما
الله الله الله...ما اروع كلماتك واحساسها الدافىء
يبدو أنني غبت كثيرا جدااا
لدرجة أنني لم أرى تلك الروعة في الكتابة والإحساس ..
ونعم في الحب لا يوجد اختيار
..
حبيبة القمر
نص رائع جدااااا
دام تميزك
.............
ليكي عندي تاج يلا تعالي خوديه
الغاليه حبيبة القمر
طلبتى منى ان اجاوب سؤالك
لا لست حمقاء اكيد حبيبتى بل انتى فى منهى العقل و لكى كل الحق فى التأنى و لكن حذارى من ان يطول خوفك من الاقتراب ويضيع الامل ما بين التردد والخوف .
استخيرى الرحمن واقتربى بكل حذر حتى يأتيكى بالامان .
فاذا شعرت بالامان فلا تترددى ان تفتحى قلبك للهوى وان تمنحى نفسك السعاده
التى هى هبة الرحمن .
اتمنى لكى كل السعاده فأنت اهل لها
حفظك الله و رعاك و منحك كل السعاده و كل الامان . دمت بخير فى رعاية الرحمن ,
تحياتى
rovy
ما شاء الله كلامك رقيق مرهف الحس بالتوفيق ان شاء الله
ماشاء الله عليكى اسلوبك جميل فى الكتابة اوى
فى الاول دى اول زيارة لية
وفى الحقيقة انا زعلانة انى مزرتكيش من زمان
بجد كلامك اكثر من رائع
وفعلا انتى موهوبة جدا
انا بحييك بشدة على مدونتك الجميلة
وعلى كلامك الاجمل
وتمنياتى ليكى بالخطو الى الامام
تحياتى
اتاك حبا لا تملك فيه اختيار
حرت في وصفه ونفدت منك الاحبار
حلو اوي
فعلا احنا مش بنملك اختيار لان قلبنا هو اللي بيختار
اولا :
البوست بجد احساسه عالي
احيكي عليه
وثانيا وده الاهم
مش عارفه اقولك ايه ؟ بس بجد كنت بفرح اوي لما الاقيكي مهتميه بيا
رغم انك مش تعرفيني
انا برده حبيبتك والله
انا الحمد لله خلصت
وقولت لازم قبل ما انام حتي اجي اشكرك
انا لسه جايه من مفيش
يادوب صليت بس
والله لسه مش اتغديت
شوفتي بقي
ههههههههههههههههههه
بحبك والله
أنا اعطيك سبعة من عشرة ...
لانك كنت مخبية كل الابداع دا لنفسك .. و بتمثلي علينا ..
لو كنت اعرف ،كنت رايح استعين بموهبتك في العديد من المناسبات ..
لا أنا امزح .. تستاهلي 10من10
ومن اجل العبارة "تعالى لنمحو اثار السنينَ
فقد عشت دهرا تبكي القمر الحزينَ "
هديكي نقطتين زيادة
يلا خليها 12 من 10
تعرفي انك لما سيبتي تعليق عندي انا كنت موجوده وقتها
يا خساره بجد
عموما انا عاوزه ميلك
اوكي
تحياتي ليكي حيبتي
اسفه جدا على تأخيري ياجماعه بس النت كان معذبني وبيلعب معايا برخامه
الله يسامحه بقى
حبيبة
تسلم ايدك
مدونة رائعة وانت رائعة كعادتك
اسف لو لم اسجل رايي مسبقا
ولكن هذا لا يمنع اني متابع لكل ما هو جديد
الشكل الجديد رائع وكلماتك الجديدة رائعة
دمت لنا مبدعة دوما
رارا
مساء الورد ياقمر
فعلا الوحده احساس صعب .. لكن ليه بنحب نهرب مش افضل لو واجهنا مشاكلنا وداوينا جراحنا
سعيده بوجودك
وهستنى جديدك
عروسه ننوسه
اهلا بيكي ياسكر
ميرسي لزوقك على فكرة شفت مدونتك بس النت الله يسامحه مش مديني فرصه اقول تعليق واحد
بس بجد عجبتني اوي
وهرابط عندك بس متزهقيش مني
د.اسماء
غاليتي التي ادمنت الغياب..ولم يستطع قلبي ان يحمل لها اي لوم او عتاب
فقط وحشتيني .. ورجاء لا تغيبي
سمسمه .. انتي قولتي تاااااااج
كده هنبدأ في العتاب بقى هههههههههه
روفي .. والله اني احبك في الله
وكلامك بجد برتاح ليه جدااا لأنك بتخاطبي العقل من غير ماتنسي القلب
بكلامك تأكدت اني صح وغيري كمان اكيد لو عمل كده هيبقى صح ومش هيتعب في حياته
لازم نفتح عنينا في النور مش نخاف منه ونهرب
دمتي في حفظ الله وامنه ورعايته
ودامت لي كلماتك الجميله ونصائحك الغاليه
المستنصر بالله
اهلا بيك يا اخي
واشكرك لكلامك الجميل
دمت في خير
مدحت محمد
ميرسي يافندم بعض ماعندكم
سمسمه متزعليش ياقمر
يكفيني انك نورتي المدونه ..
وليكي مني احلى باقة ورد لأرق سمسمه
دمتي في حفظ الله ياقمر
زوزو
وحشتيني ياقمر كويس انك خلصتي على خير
عقبال النتيجه والتقدير العالي باذن الله
عايزة اشرب الساقع والجاتوه مش هتنازل عنهم انا بقولك اهو ......
روحي دلوقتي ارتاحي ياحبي واتغدي قصدي اتعشي وخلي بالك منك
تسلملي الزيارة الغاليه دي ياقمري
ربنا يحفظك من كل سوء
دمتي بود
اخي الغالي مصطفي
عذرا لتقصيري في حقك ولكنك صاحب القلب الطيب واكيد مش هتزعل مني
اما عن الدرجات فلو مش ادتهالي كامله كنت طيرت وراك هههههههههههههه
تسلملي بجد يامصطفى ولاحرمني الله من اطلالتك الغاليه
دمت بخير وربنا معاك ويعينك في الفترة دي
بدعيلك والله
طمني عليك بعد الامتحانات
يا زوزو ياياحبيبتي قومي نامي وارتاحي شويه
هنتقابل كتير لما نشبع ههههههههه
انا والله بحبك بتفكريني بحد عزيز اوي اوي على قلبي
اشوفك على خير ياقمرى
د.احمد
ازيك ياريس فينك من زمان
طبعا عذراك الله يعينك يادوك
بس متحرمناش من طلتك البهيه دايما
متبصش من بعيد لبعيد
انت عارف يهمني رأيك
دمت بخير
واعانك الله
يبدو أني غفوت غفوة طال امدها
اليوم اعود الى النت كما عاد اصحاب الكهف
كثير فاتني
و لكن ما فات ما مات
يلزمني الكثير لقراءة ما مر حرفا حرفا
تحية لك
حبيبة القمر
و اعتذاري
زياره اولى لى فى مدونتك وان شاء الله تتكرر
جميل اسلوبك وممتع وجميل ان يحمل الشعر قضيه او معنى مثل عدم التعلق بالماضى والامه والتمسك بالحب الجديد وعدم الخوف من الجرح الجديد تحياتى لكى ولاسلوبك الرائع
لاء يا بيبه هى مش حماقه
لا ن الحب تحديدا مفيش فيه حرية الاختيار
لانه لعبة الاقدار
محبتى يا جميله
وجه جديد
ازيك يادكتور احمد ....
حمدا لله على سلامتك
حقيقي افتقدت قلمك المميز وتعليقاتك على كتاباتي المتواضعه
طال غيابك بجد لكنك عدت والعود احمدا...
(مش هي بتتقال كده بردو)
اهلا بيك من جديد
دمت بخير ودامت اطلالتك الجميله
بحبك يامصر
السلام عليكم .. سعيده بتشريفك بجد
واتمنى اني اقدر ولو بكلمه بسيطه اغير حالة الفتور في المشاعر اللي سادت اغلب البشر
اهلا بيك ويارب يدوم تواصلك
قطتي الجميله وحشاني ياقمر
بعتذر عن التأخير (النت ابن الحلال )
زي ماقولتي الحب قدر وكمان فشلنا في الحب بردو قدر
ولأن كل شئ قدر يبقى لازم نرضي بيه
ونبدأ من جديد مش نفضل عايشين في ذكريات انتهت خلاص
نروتي ياقمر
الللله بجد بجد كلامك حلو اوى واسلوبك تحفه
اول زيارة ومش هاتكون الأخيرة لأنى هاتبعك دايما انشاء الله بشرط الجاى يكون اجمل ولو انه صعب يكون فيه اجمل من كدا
تحياتى
ايه الحلاوة والجمال والتناسق ده....والله شاعرة وموهوبة....بقولك ايه متعرفيش تكتبى كلمتين كده لاختك شفقة كام بيت كده !ههههههههههههههه
لا بجد البوست تحفة
كلماتك فى منهى الرقة تدخل القلب بسرعه
الله يصبرنا على بعد ما نحب
كل الود لك حبى
ماشاء لله عليك مبدعه
احنا بتهرب كتير من الإختيار فعلا
معاكى حق
تحياتى
نسيت أقولك الكلام أكثر من رائع قريته 3 مرات
دكتور عمرو
اهلا بيك دايما وميرسي لزوقك بجد الحمد لله ان المدونه نالت اعجابك
وطبعا هبقى في انتظار ارائك وتعليقاتك اللي اكيد هتفيدني جدا
دمت بخير يادوك
شفه هانم واحسان
ياهلا ياهلا ايه النور دا بس
وكمان كلامي نال الاعجاب دنا خلاص عديت بقى
استني عليا بقى اعصر دماغي واطلعلك بيتين شعر
متقلقيش مش شعر منكوش هسبسبلك بيتين عسل
نورتي ياقمر
عزيزتي نهر الحب
انتظر مرورك دوما وتعليقاتك الرقيقه التي تعطي لكلماتي رونق خاص
فأحبها اكثر واكثر
دمتي لي حبيبتي ودام مرورك الرقيق
فانكي دكتور
فينك يادوك بقالك كتير منورتش مدونتي
بلاش تبخل علينا بالزياره كده
إرسال تعليق