RSS

حبيبة خالتووووو

السلام عليكم
كنت ناويه انزل بوست مختلف
بس الحقيقه الحدث اللي هتكلم فيه فاق كل كلام واي فرحه مرت عليا في حياتي كلها
فرحه انتظرتها منذ مايقارب التسعة اشهر
ومن وقتها وانا اعد نفسي لاستقبال هذا الحدث
واليوم وتحديدا الساعه 12.30 صباحا كانت ساعة الصفر
واجتمع الجميع في انتظار ان يأتي الخبر اليقين
وامعانا في حرق الاعصاب التي ظلت تلازمنا منذ مايقارب التسعة اشهر حتى اللحظه
فقد تأخرت علينا وبقينا في حاله من القلق الى اكثر من ساعة ونصف حتي سمعنا صراخها
وتهليل وتكبير الدكاترة بالغرفه
وانتفضنا كلنا والعيون كلها معلقه على مقبض غرفة العمليات
واخيرا خرجت الممرضه وهي تحمل ارق مانظرت اليه عيني
انها حبيبة خالتو وقرة عين ابيها وامها
لم اتمالك اعصابي ولم استطع الامساك بها فقط نظرت اليها بعيون تملؤها دموع الفرح وانا احمد الله واثني عليه وادعوه ان يجعل فيها الخير
خرجت الينا بسلامه الله في تمام الصحه والعافيه
وسألت الممرضه ماذا فعلت الام هل هي بخير؟
فأشارت بالايجاب فجلست لألتقط انفاسي وعيني معلقه على مقبض الغرفه من جديد
في انتظار ان تخرج اختي سالمه
ويبدوا ان الدكتور مصمم على حرق ماتبقى من اعصابي
فقد تأخر اكثرمن اللازم ومرت الساعه الثانية والنصف صباحا لماذا كل هذا الوقت
ثم وجدت الممرضه تخرج وتعود اليه بكوب من الشاي
نظرت لها باندهاش وانا اسأل
ايه الروقان دا ؟ مش يطمنا وبعدين يبقى يريح ويشرب شاي ؟
ويبدوا ان صوتي قد علا قليلا
فطمأنتني الممرضه بارك الله فيها
واقسمت لي انها بخير وستخرج خلال لحظات
ولم تكمل كلمتها حتى فتحت غرفة العمليات
وخرجت اختي اخيرا ورأيت عينيها تنظر لي وتطمأنني رغم مايبدو عليها من علامات التعب والارهاق الشديد
فقلت لها حمدا لله على سلامتك ياماما ابتسمت ابتسامه متعبه وقالت الله يسلمك ياخالتو ياااااااااااه اللهم لك الحمد ولك الشكر

  • Digg
  • Del.icio.us
  • StumbleUpon
  • Reddit
  • RSS

41 همسـاتكم:

فارس بلا جواد يقول...

ألف مبرووووووووك
وربنا يبارك فيها ويحفظها
بس بصراحة عرضتي القصة بطريقة جميلة وعيشتينا معاكي كأننا قدام أوضة العمليات
المهم سمتوها ايه؟
بالتوفيق دايما

شفـقــة و إحســــان يقول...

ربنا يخلهالك يارب.....تسلمى على شعورك الجميل ده

شفـقــة و إحســــان يقول...

حبيبه القمر روح قلبى من جوه
والله انا مش بطبخ لحم جملى ولا حاجة لكن كنت مشغولة شوية فى الجامعة
ثانيا عايزة اعرف ايه هى الاسئلة اللى ممكن اجاوب عليها....علشان اعلق التاج كده عندى فى مملكتى
وميرسى يا روحى

امل يقول...

السلام عليكم
الف مبرووووووووك يا خالتو
انا سبقتك من سنتين تلاتة كده هههههه ربنا يجعلهاقرة عين لوالديها ويرزقك من فضله يا عمري .. تحياتي وقبلاتي للنونو الجميلة

zOzO يقول...

الف مبرووووووووووووك
بجد فرحتيني اوووي
ربنا يخليها لاختك ووالدها
وانتي كمان
عقبالك يا قمر
وحشااااااااااني
بس ليكي عذرك
في رعايه الله

ياسر يقول...

الف مبرووووووووووووك
الف الف الف مبرووووووووووووك
وبجد فرحتيني جدا
عارفة ياحبيبة عندي بنتين اخت
ياخبر ببقي عاوز اكلهم اكل من حبي
ليهم مقدرش افوت يوم من غير ما اسمع
صوتهم ربنا يخلي النونو يارب ويبارك فيها
والف الف مبروك وعينيلي كيس سبوع
واعملي حساب ناريمان وتغريد كمان
تحياتي
مبرووووووووووووووووووووووووووووووك

rovy يقول...

ما شاء الله .. الف مبروووووووووووك
والف حمد لله على سلامه اختك و عقبال ما نقول لك مبروك يا ماما ..
و برضه خالتو طعمها جميل ربنا يبارك لكم فيها و يبارك فيكم و يخليكوا لها يااارب و تتربى فى احضانكم و بحبكم ..
دمتى بخير يا خالتوا ودمتى سعيده حبيبه و محبه بقلبك الكبير ..
تقديرى و تحياتى

rovy

فاتيما يقول...

ألف ألف مبروك يا خالتو
عقبال ما نقولك ألف مبروك
يا ماما
رؤية طفل لسه مولود شىء مدهش
ربنا ينوله لكل حد يا رب
تحياتى يا حبيبة

Empress appy يقول...

يااااا عارفه الاحساس ده فكرتينى يوم ما دخلت اختى حبيبه على فكرة اسمها كده حبيبه مامة ايمو
المستشفى وكانت بتولده واول ما دخلت وانا قعدت اعيط وخوفت عليها بس لما طلع النونو اللى هو ايمو فرحت بس استنيت اختى
ربنا يقومها لكم بالسلامه والبيبى نورت الدنيا سميها حبيبه بقى على اسم مدونتك ههههههههههههههه
ربنا يفرحكوا بيها ويحفظها يا رب

!!! عارفة ... مش عارف ليه يقول...

الف مبروك

والله لعبتي بأعصابنا وأنت بتحكي الحمد لله ربنا يبارك فيها ويخليها لماما ولخالتووووو

بس فعلا أنت نسيتي تقولي اسمها ايه

المهم انها وصلت بالسلامة

ربنا يحفظها لكم بإذن الله

ادم المصرى يقول...

الله بسم الله مشاء الله ربنا يحرصهالك بجد انتى تستهليها بجد ربنا يجعل حياتك كل سعاده وحب وامان وايمان دمتى بخير

حبيبـــــــة القمـــــر يقول...

فارس بلا جواد
الله يبارك فيك يارب
انا حاولت انقل شعوري في اللحظه دي
بجد كانت لحظات حرجه

حبيبة خالتو اسمها ساندي وفي الشهاده(سوسن)

ميرسي لشعورك الطيب

حبيبـــــــة القمـــــر يقول...

شفقه هانم واحسان بك

اللهم امين يارب
انا اللي مليون ميرسي لوجودك الجميل

حبيبـــــــة القمـــــر يقول...

شوشو هانم
ههههههههههههه
انا قلت التاج لسه مظهرش للنور ليه
ربنا يوفقك يارب
بالنسبه للاسئله ياقمر هتلاقيها في المدونه عندي
هما تاجين حتى الان واحد بعنوان تاج دكتورة اسماء
والتانس بعنوان الاسرار السته
خدي كل سؤال انا مجاوبه عليه
ومخمخي براحتك في اجاباته
هستنااااااااااااااااااااااااكي ياشوشو

حبيبـــــــة القمـــــر يقول...

امل
عليكم السلام ورحمة الله وبركاته
الله يبارك فيكي ياحبي
مادمتي سبقتيني يبقى عارفه قد ايه الاحساس دا جميييييييييييل ومفيش

كلام يقدر يوصفه
تسلميلي يا امووووووووووووول
ههريهالك بووووووووس انتي تؤمري ههههههههههههه

حبيبـــــــة القمـــــر يقول...

زوزو
الله يبارك فيكي ياقلبي انا
طبعا لازم تفرحي
عشان انتي قلبي من جوا
وان قلبي طاير من الفرحه طير
ربنا يبارك فيها يارب
انتي كمان وحشااااااااااااااااني موووووت

حبيبـــــــة القمـــــر يقول...

ياسر
الله يبارك فيك ياخالو
عارفه طبعا
ربنا يباركل فيهم يارب
انا دلوقتي بس اقدر اقول ليك حق تتجنن عليهم وتبقى عايز تاكلهم اكل

ههههههههههههه
متقلقش عالسبوع انا هقوملك بالواجب روزياده
ونصيب ناريمان وتغريد محفوووووووووووظ طبعاااااااا
تسلملي يارب

حبيبـــــــة القمـــــر يقول...

روفي الغاليه
الله يبارك في عمرك يارب
و يسلمك من كل شر
ويخليكي ليا يارب.. ماما وخالتو قريبين من بعض
بس اكيد ماما طعمها احلى
انا كده خالتو بس وهتجنن هههههههههههههه
منحرمش منك ومن دعواتك يا اطيب قلب

حبيبـــــــة القمـــــر يقول...

روفي الغاليه
الله يبارك في عمرك يارب
و يسلمك من كل شر
ويخليكي ليا يارب.. ماما وخالتو قريبين من بعض
بس اكيد ماما طعمها احلى
انا كده خالتو بس وهتجنن هههههههههههههه
منحرمش منك ومن دعواتك يا اطيب قلب

حبيبـــــــة القمـــــر يقول...

ماما فاتيما
الله يبارك فيكي ياقمر
فعلا دي اول مرة اشوف لحظه ميلاد
لحظه ملهاش وصف
سبحان الله بجد
تسلميلي يارب يا اجمل ماما

حبيبـــــــة القمـــــر يقول...

خالتو ابي
ايه رأيك رجعتك للحظة الترقب من تاني
والفرحه وانتي بتشوفي المولود لأول مرة
وقلبك هينط من مكانه
ولا عينك وهي بتفضل متعلقه مستنيه خروج اختك
ياااااااااااه الحمد لله بجد
متعرفيش بقى الدموع دي ايه حكايتها لزقه كده حتى لحظه الفرح

احم احم كان نفسي اسمهيها حبيبه ومامتها كمان
بس حكم القوي بقى

تسلمي يا بيبتي

حبيبـــــــة القمـــــر يقول...

عارفه مش عارف ليه

الله يبارك فيك ياغالي

ايه رأيك عشت اللحظه اللي تجنن دي

الحمد لله انها جات بالسلامه
دي عملتلنا رعب ماشفتش زيه

ميرسي ليك بجد

حبيبـــــــة القمـــــر يقول...

ادم المصري
فعلا الف ماشاء الله عليها وربنا يحميها
ويخليها حبيبة خالتو ونور عين خالتو واللي هتجنن خالتوووووووو

تسلملي يارب على دعواتك الجميله وشعورك الطيب

غير معرف يقول...

الف مليون مبروك على المولود يا حبيبة

وعقبال ما نشوف اولادك انتى يارب

تحياتى

وبرضو ملقتيش غير الواجب بتاع الاسرار الستة اللى تمرريه

يعنى عاوزة تفضحينى

المهم انا قريته من فترة بس بصراحة خايف منه

بس هحاول اكتب حاجة

تحياتى

فارس بلا جواد يقول...

المدونه بتاعتك جميله جدا
والف مبرووووووووك
وربنا يخليهالك
تحياتى

كوارث يقول...

الف مبروك :D
ربنا يباركلك فيها ويحفظها باذن الله ..
وتتربى في عزك وتعيشي وتشوف جوازها واحفادها

رئـــــيسـة حزب الأحلام يقول...

الف مبروك ياقمر
وبقيتى خالتو بجد كلمه خالتو دى عسل
الف تحيه

RaRa يقول...

ألف مليوووووووووون مبرووووووووووك
ياخالتو وحمد لله على سلامة اختك
ان شاء الله تتربى فى عزها

momken يقول...

الف مبروك وربنا يخليكوا لبعض
ويباركلك على مشاعرك الجميله دى

البوست رائع
تحياتى

Unknown يقول...

الف مبروك
ويارب تتربى فى عزو ههههههه
مبروك بجد خبر مفرح
بس انا علقت على البوست دا قبل كدة مش لاقية تعليقى؟؟:(

r يقول...

ربنا يبارك فيها ويخليها لوالديها
ويرزقك مثلها
أنا كمان يا حبيبه فى انتظار ان اكون عمه ان شاء الله

حبيبـــــــة القمـــــر يقول...

التنين المحارب
الله يبارك فيك ياعرفه
ربنا يكرمك يارب
انا عارفه اني دبستك ههههههههههههههه
كويس انهم سن اسرار بس
احمد ربنا
بس مش عايزين كروته

حبيبـــــــة القمـــــر يقول...

فارس بلا جواد
ميرسي ليك مدونتك اكيد اجمل

الله يبارك فيك يارب

سعيده بمرورك الجميل

حبيبـــــــة القمـــــر يقول...

كوارث
الله يبارك فيك ياطارق
اللهم امين يارب اجوزها واشيل عيالها كمان
طماعه انا هههههههههه
منحرمش من دعواتك الجميله
دمت بخير يارب

حبيبـــــــة القمـــــر يقول...

رئيسة حزب الاحلام
اهلا بيكي ياقمر
الله يبارك فيكي يارب
عقبال ماتكبر واسمعها من بقها اللي عايز الاكل ههههههههههه

تسلميلي ياسكر

حبيبـــــــة القمـــــر يقول...

رارا

يا هلا بحبيبة قلبي
ازيك ياقمر
ربنا يبارك فيكي ويسلمك من كل شر
ميرسي ياحبي

حبيبـــــــة القمـــــر يقول...

ممكن
الله يبارك فيك ويكرمك
الاروع هو مرورك ومشاركتك فرحتي
على فكرة فرصه جميله عرفتني على مدونتك الرائعه
خالص الشكر

حبيبـــــــة القمـــــر يقول...

نهر الحب
الله يبارك فيكي ياقلبي
فعلا الفرحه دي تختلف عن اي فرحه مرت في حياتي
شكل التعليق تاه منك هههههههههههه

ميرسي لوجودك ياقمر

حبيبـــــــة القمـــــر يقول...

بسنت
الله يبارك فيكي يابسبس
وعن قريب نباركلك يارب يا احلى عمتو
تسليلي ياقمر

غير معرف يقول...

مبرووووك ...
أعتقد ان مفيش حد هيلاحظ المشاركة دي ،
بس الموضوع اعجبني ولازم اضع تعليق،
أولا ،انتي ليه كنتي مخبية مناسبة زي دي
، كان لازم نعرف عنها ونباركلكم ، ولا انتي خايفة لتعزمينا ، متخافيش ... انا مشغول .. بس لو عزمتيني هحضر ان شاء الله ..ههههههه..أصلي بحب العزايم اوي
مبرووك مرة ثانية ، وانا عارف انك ناوية تعلميها الكمبيوتر عشان تساعدك لما تكبر ، ارجوك متعلميهاش ، لعلها تنعم بحياة سعيدة بعيدة عن المشاكل ..هههه

بنت مصرية يقول...

الف الف مليوووووووووون مبرووووووووووك يا حبيبة القمر وان شاء الله تتربى فى عز والديها