.jfif)
السلام عليكم
كنت ناويه انزل بوست مختلف
بس الحقيقه الحدث اللي هتكلم فيه فاق كل كلام واي فرحه مرت عليا في حياتي كلها
فرحه انتظرتها منذ مايقارب التسعة اشهر
ومن وقتها وانا اعد نفسي لاستقبال هذا الحدث
واليوم وتحديدا الساعه 12.30 صباحا كانت ساعة الصفر
واجتمع الجميع في انتظار ان يأتي الخبر اليقين
وامعانا في حرق الاعصاب التي ظلت تلازمنا منذ مايقارب التسعة اشهر
حتى اللحظه
فقد تأخرت علينا وبقينا في حاله من القلق الى اكثر من ساعة ونصف
حتي سمعنا صراخها
وتهليل وتكبير الدكاترة بالغرفه
وانتفضنا كلنا والعيون كلها معلقه على مقبض غرفة العمليات
واخيرا خرجت الممرضه وهي تحمل ارق مانظرت اليه عيني
انها حبيبة خالتو وقرة عين ابيها وامها
لم اتمالك اعصابي ولم استطع الامساك بها فقط نظرت اليها بعيون
تملؤها دموع الفرح وانا احمد الله واثني عليه وادعوه ان يجعل فيها الخير
خرجت الينا بسلامه
الله في تمام الصحه والعافيه
وسألت الممرضه ماذا فعلت الام هل هي بخير؟
فأشارت بالايجاب فجلست لألتقط انفاسي وعيني معلقه على مقبض الغرفه من جديد
في انتظار ان تخرج اختي سالمه
ويبدوا ان الدكتور مصمم على حرق ماتبقى من اعصابي
فقد تأخر اكثرمن اللازم ومرت الساعه الثانية والنصف صباحا لماذا كل هذا الوقت
ثم وجدت الممرضه تخرج وتعود اليه بكوب من الشاي
نظرت لها باندهاش وانا اسأل
ايه الروقان دا ؟ مش يطمنا وبعدين يبقى يريح ويشرب شاي ؟
ويبدوا ان صوتي قد علا قليلا
فطمأنتني الممرضه بارك الله فيها
واقسمت لي انها بخير وستخرج خلال لحظات
ولم تكمل كلمتها حتى فتحت غرفة العمليات
وخرجت اختي اخيرا ورأيت عينيها تنظر لي وتطمأنني رغم مايبدو عليها من علامات التعب والارهاق الشديد
فقلت لها حمدا لله على سلامتك ياماما ابتسمت ابتسامه متعبه وقالت الله يسلمك ياخالتو
ياااااااااااه اللهم لك الحمد ولك الشكر
41 همسـاتكم:
ألف مبرووووووووك
وربنا يبارك فيها ويحفظها
بس بصراحة عرضتي القصة بطريقة جميلة وعيشتينا معاكي كأننا قدام أوضة العمليات
المهم سمتوها ايه؟
بالتوفيق دايما
ربنا يخلهالك يارب.....تسلمى على شعورك الجميل ده
حبيبه القمر روح قلبى من جوه
والله انا مش بطبخ لحم جملى ولا حاجة لكن كنت مشغولة شوية فى الجامعة
ثانيا عايزة اعرف ايه هى الاسئلة اللى ممكن اجاوب عليها....علشان اعلق التاج كده عندى فى مملكتى
وميرسى يا روحى
السلام عليكم
الف مبرووووووووك يا خالتو
انا سبقتك من سنتين تلاتة كده هههههه ربنا يجعلهاقرة عين لوالديها ويرزقك من فضله يا عمري .. تحياتي وقبلاتي للنونو الجميلة
الف مبرووووووووووووك
بجد فرحتيني اوووي
ربنا يخليها لاختك ووالدها
وانتي كمان
عقبالك يا قمر
وحشااااااااااني
بس ليكي عذرك
في رعايه الله
الف مبرووووووووووووك
الف الف الف مبرووووووووووووك
وبجد فرحتيني جدا
عارفة ياحبيبة عندي بنتين اخت
ياخبر ببقي عاوز اكلهم اكل من حبي
ليهم مقدرش افوت يوم من غير ما اسمع
صوتهم ربنا يخلي النونو يارب ويبارك فيها
والف الف مبروك وعينيلي كيس سبوع
واعملي حساب ناريمان وتغريد كمان
تحياتي
مبرووووووووووووووووووووووووووووووك
ما شاء الله .. الف مبروووووووووووك
والف حمد لله على سلامه اختك و عقبال ما نقول لك مبروك يا ماما ..
و برضه خالتو طعمها جميل ربنا يبارك لكم فيها و يبارك فيكم و يخليكوا لها يااارب و تتربى فى احضانكم و بحبكم ..
دمتى بخير يا خالتوا ودمتى سعيده حبيبه و محبه بقلبك الكبير ..
تقديرى و تحياتى
rovy
ألف ألف مبروك يا خالتو
عقبال ما نقولك ألف مبروك
يا ماما
رؤية طفل لسه مولود شىء مدهش
ربنا ينوله لكل حد يا رب
تحياتى يا حبيبة
يااااا عارفه الاحساس ده فكرتينى يوم ما دخلت اختى حبيبه على فكرة اسمها كده حبيبه مامة ايمو
المستشفى وكانت بتولده واول ما دخلت وانا قعدت اعيط وخوفت عليها بس لما طلع النونو اللى هو ايمو فرحت بس استنيت اختى
ربنا يقومها لكم بالسلامه والبيبى نورت الدنيا سميها حبيبه بقى على اسم مدونتك ههههههههههههههه
ربنا يفرحكوا بيها ويحفظها يا رب
الف مبروك
والله لعبتي بأعصابنا وأنت بتحكي الحمد لله ربنا يبارك فيها ويخليها لماما ولخالتووووو
بس فعلا أنت نسيتي تقولي اسمها ايه
المهم انها وصلت بالسلامة
ربنا يحفظها لكم بإذن الله
الله بسم الله مشاء الله ربنا يحرصهالك بجد انتى تستهليها بجد ربنا يجعل حياتك كل سعاده وحب وامان وايمان دمتى بخير
فارس بلا جواد
الله يبارك فيك يارب
انا حاولت انقل شعوري في اللحظه دي
بجد كانت لحظات حرجه
حبيبة خالتو اسمها ساندي وفي الشهاده(سوسن)
ميرسي لشعورك الطيب
شفقه هانم واحسان بك
اللهم امين يارب
انا اللي مليون ميرسي لوجودك الجميل
شوشو هانم
ههههههههههههه
انا قلت التاج لسه مظهرش للنور ليه
ربنا يوفقك يارب
بالنسبه للاسئله ياقمر هتلاقيها في المدونه عندي
هما تاجين حتى الان واحد بعنوان تاج دكتورة اسماء
والتانس بعنوان الاسرار السته
خدي كل سؤال انا مجاوبه عليه
ومخمخي براحتك في اجاباته
هستنااااااااااااااااااااااااكي ياشوشو
امل
عليكم السلام ورحمة الله وبركاته
الله يبارك فيكي ياحبي
مادمتي سبقتيني يبقى عارفه قد ايه الاحساس دا جميييييييييييل ومفيش
كلام يقدر يوصفه
تسلميلي يا امووووووووووووول
ههريهالك بووووووووس انتي تؤمري ههههههههههههه
زوزو
الله يبارك فيكي ياقلبي انا
طبعا لازم تفرحي
عشان انتي قلبي من جوا
وان قلبي طاير من الفرحه طير
ربنا يبارك فيها يارب
انتي كمان وحشااااااااااااااااني موووووت
ياسر
الله يبارك فيك ياخالو
عارفه طبعا
ربنا يباركل فيهم يارب
انا دلوقتي بس اقدر اقول ليك حق تتجنن عليهم وتبقى عايز تاكلهم اكل
ههههههههههههه
متقلقش عالسبوع انا هقوملك بالواجب روزياده
ونصيب ناريمان وتغريد محفوووووووووووظ طبعاااااااا
تسلملي يارب
روفي الغاليه
الله يبارك في عمرك يارب
و يسلمك من كل شر
ويخليكي ليا يارب.. ماما وخالتو قريبين من بعض
بس اكيد ماما طعمها احلى
انا كده خالتو بس وهتجنن هههههههههههههه
منحرمش منك ومن دعواتك يا اطيب قلب
روفي الغاليه
الله يبارك في عمرك يارب
و يسلمك من كل شر
ويخليكي ليا يارب.. ماما وخالتو قريبين من بعض
بس اكيد ماما طعمها احلى
انا كده خالتو بس وهتجنن هههههههههههههه
منحرمش منك ومن دعواتك يا اطيب قلب
ماما فاتيما
الله يبارك فيكي ياقمر
فعلا دي اول مرة اشوف لحظه ميلاد
لحظه ملهاش وصف
سبحان الله بجد
تسلميلي يارب يا اجمل ماما
خالتو ابي
ايه رأيك رجعتك للحظة الترقب من تاني
والفرحه وانتي بتشوفي المولود لأول مرة
وقلبك هينط من مكانه
ولا عينك وهي بتفضل متعلقه مستنيه خروج اختك
ياااااااااااه الحمد لله بجد
متعرفيش بقى الدموع دي ايه حكايتها لزقه كده حتى لحظه الفرح
احم احم كان نفسي اسمهيها حبيبه ومامتها كمان
بس حكم القوي بقى
تسلمي يا بيبتي
عارفه مش عارف ليه
الله يبارك فيك ياغالي
ايه رأيك عشت اللحظه اللي تجنن دي
الحمد لله انها جات بالسلامه
دي عملتلنا رعب ماشفتش زيه
ميرسي ليك بجد
ادم المصري
فعلا الف ماشاء الله عليها وربنا يحميها
ويخليها حبيبة خالتو ونور عين خالتو واللي هتجنن خالتوووووووو
تسلملي يارب على دعواتك الجميله وشعورك الطيب
الف مليون مبروك على المولود يا حبيبة
وعقبال ما نشوف اولادك انتى يارب
تحياتى
وبرضو ملقتيش غير الواجب بتاع الاسرار الستة اللى تمرريه
يعنى عاوزة تفضحينى
المهم انا قريته من فترة بس بصراحة خايف منه
بس هحاول اكتب حاجة
تحياتى
المدونه بتاعتك جميله جدا
والف مبرووووووووك
وربنا يخليهالك
تحياتى
الف مبروك :D
ربنا يباركلك فيها ويحفظها باذن الله ..
وتتربى في عزك وتعيشي وتشوف جوازها واحفادها
الف مبروك ياقمر
وبقيتى خالتو بجد كلمه خالتو دى عسل
الف تحيه
ألف مليوووووووووون مبرووووووووووك
ياخالتو وحمد لله على سلامة اختك
ان شاء الله تتربى فى عزها
الف مبروك وربنا يخليكوا لبعض
ويباركلك على مشاعرك الجميله دى
البوست رائع
تحياتى
الف مبروك
ويارب تتربى فى عزو ههههههه
مبروك بجد خبر مفرح
بس انا علقت على البوست دا قبل كدة مش لاقية تعليقى؟؟:(
ربنا يبارك فيها ويخليها لوالديها
ويرزقك مثلها
أنا كمان يا حبيبه فى انتظار ان اكون عمه ان شاء الله
التنين المحارب
الله يبارك فيك ياعرفه
ربنا يكرمك يارب
انا عارفه اني دبستك ههههههههههههههه
كويس انهم سن اسرار بس
احمد ربنا
بس مش عايزين كروته
فارس بلا جواد
ميرسي ليك مدونتك اكيد اجمل
الله يبارك فيك يارب
سعيده بمرورك الجميل
كوارث
الله يبارك فيك ياطارق
اللهم امين يارب اجوزها واشيل عيالها كمان
طماعه انا هههههههههه
منحرمش من دعواتك الجميله
دمت بخير يارب
رئيسة حزب الاحلام
اهلا بيكي ياقمر
الله يبارك فيكي يارب
عقبال ماتكبر واسمعها من بقها اللي عايز الاكل ههههههههههه
تسلميلي ياسكر
رارا
يا هلا بحبيبة قلبي
ازيك ياقمر
ربنا يبارك فيكي ويسلمك من كل شر
ميرسي ياحبي
ممكن
الله يبارك فيك ويكرمك
الاروع هو مرورك ومشاركتك فرحتي
على فكرة فرصه جميله عرفتني على مدونتك الرائعه
خالص الشكر
نهر الحب
الله يبارك فيكي ياقلبي
فعلا الفرحه دي تختلف عن اي فرحه مرت في حياتي
شكل التعليق تاه منك هههههههههههه
ميرسي لوجودك ياقمر
بسنت
الله يبارك فيكي يابسبس
وعن قريب نباركلك يارب يا احلى عمتو
تسليلي ياقمر
مبرووووك ...
أعتقد ان مفيش حد هيلاحظ المشاركة دي ،
بس الموضوع اعجبني ولازم اضع تعليق،
أولا ،انتي ليه كنتي مخبية مناسبة زي دي
، كان لازم نعرف عنها ونباركلكم ، ولا انتي خايفة لتعزمينا ، متخافيش ... انا مشغول .. بس لو عزمتيني هحضر ان شاء الله ..ههههههه..أصلي بحب العزايم اوي
مبرووك مرة ثانية ، وانا عارف انك ناوية تعلميها الكمبيوتر عشان تساعدك لما تكبر ، ارجوك متعلميهاش ، لعلها تنعم بحياة سعيدة بعيدة عن المشاكل ..هههه
الف الف مليوووووووووون مبرووووووووووك يا حبيبة القمر وان شاء الله تتربى فى عز والديها
إرسال تعليق