.jfif)
زمان كنت استمتع جدا بصنع قالب الحلوى
وكان لدي من الصبر ما يجعلني اتفنن في تزيين القالب بشتى الطرق
حتى اني لم افكر في الوقت الذي اقضيه وانا اعده
ودائما ماكانت ترضيني النتيجة
فقد كنت المح نظرة الرضا في عيون من يرى ويتذوق ماصنعته يداي
كنت ارى انه فن تماما كما كنت ارسم سواء على الورق او الزجاج
حقا كنت اجد متعتي في وضع لمسة فنية ولو بسيطة على اي شئ اقوم بعمله مهما كلفني من جهد او وقت
وبالرغم من هذا فلا ادري لماذا تغير الحال
فأصبحت احب السرعة في كل شئ ولا ابالي بمدى الاتقان ولا اللمسات الفنية بقدر ما اهتم بأن يكون عملي مقبولا الى حد ما
ربما لضيق الوقت او اني مللت من اتقان ما افعل
فلم تعد ترضيني نظرات الرضا ممن حولي
ماذا اريد اذا ؟؟ لا اعلم حقا!
ولكن منذ وقت قريب قررت ان اعود لسابق عهدي فكسرت الروتين اليومي ولم اذهب لعملي واعطيت لنفسي اجازة اجبارية حتى من مجرد التفكير في العمل
وقررت ان اصنع قالب حلوى
وللحق كنت قد نسيت المقادير وطريقة الاعداد الخاصة بي فاستعنت بكتاب لم يرضيني فسألت والدتي على استحياء
فضحكت واستغربت اني نسيت بهذه السرعه
"يبدو انها لا تريد ان تذكر اني لم اقترب من المطبخ منذ مايقرب الثلاث سنوات" (بالطبع وقت طويل)
وبعد فترة من التأليس والضحك وما الى ذلك ذكرتني بما نسيت
وقالت انها تشك ان كنت قادره حقا على صنع القالب كما كنت في الماضي
وبصراحه شديده حاولت الاستمتاع بما افعل ولكن مع الاسف كنت اشعر بالضيق فأنهيته بسرعه دون التفكير في اي تفاصيل ولا اية لمسات فنية
وبالكاد وصلت لنتيجة اكثر مايقال عنها انها مقبولة
وبالطبع لم ترضيني وحتى لا ارغم احد على مجاملتي قمت بشراء قالب جاهز
أخذت قطعه مما صنعت واخرى مما اشتريت
ولم اقترب لا من هذه ولا من تلك
ثم اخذت اقلب في لوحاتي القديمة وبعض الالوان التي هجرتها طويلا
ووقعت عيني على احدى اللوحات التي اعتز بها كثيرا لأنها كانت سببا في دخولي مسابقة فزت فيها بالمركز الاول على مستوى الجمهورية وكانت اول مرة اشترك في مسابقة بهذا المستوى
وتمنيت ان استعيد الماضي
فأمسكت بالقلم ووضعت امامي اللوحه وبدأت في نقلها فلم استطع
وحاولت حتى اصابني الملل
فمزقت مافعلت
وانا انظر لطبق الحلوى
وتلك القطعه التي صنعتها والاخرى التي اشتريتها
فأيقنت اني لن استطيع رسم تلك اللوحة مرة ثانية بهذه الدقة والاتقان .
نعم
في حياتنا اشياء كثيرة لها قيمة نصبر عليها مهما كلفتنا من وقت وجهد
وبقدر اهميتها يكون الحرص عليها والاصرار على اتقانها
ولكن مع مرور الوقت تفقد هذه الاشياء قيمتها
ونفقد المتعه في ادائها وقد ننساها الى ان يأتي من يذكرنا بها وماكان لها من قيمة واهميه في حياتنا
وعندها قد نعود كما كنا
او يكون قد فات الاوان
فهل هذا عيب في تركيبتنا كبشر
افكر احيانا ان هذا ينطبق على مشاعرنا وعلاقاتنا ايضا
ربما لا ادري !
"ما اعلمه ان لكل منا طاقة تصل لذروتها في وقت ما ثم تقل شيئا فشيئا حتى تكاد تختفي وتصبح مجرد ذكرى"
وفي الاخير اقول
"ليتني استطعت صنع قالب الحلوى"
41 همسـاتكم:
امممممممممم بصى يا حبيبه انا فى راى ان الانسان لما بيبقى عنده حاجه صغيرة ويهتم بيها طول الوقت
بتكبر ويقدر ينمى قدراته فيها انما لما يهملها اكيد لازم ينسى يعنى كان عندى هوايه موضوع الفضه تصنيعها والاعقاد والخواتم وكنت شاطرة دلوقتى اشك ان عندى تفكير مع انها كانت قبل كده عمليه تجاريه مربحه جدا ليه وهى اللى ساعدتنى فى حياتى كتير
المهم بقى انا عاوزة كيكه من اللى انتى بتعمليها دى وانا عارفه انك هطلعيها حلوة قوى
بقولك احنا هنتجمع يوم الجمعه فى نادى الزراعيين فى الدقى من الساعه عشرة الصبح نفس تجمع البنات والستات المرة اللى فاتت يا ريت لو تقدرى تيجى لو عاوزة ممكن اديلك رقم موبيلى ابعتى ليه على الميل اللى فى مدونة بيكيا وانا اقولك الرقم ويا ريت تيجى هتبسط كتير
ازيك ياسكر
عندك حق في اللي بتقوليه
بس حقيقي بستغرب لما الاقي حاجه كنت بحبها جدا مش قادره اعملها بنفس الاتقان
ومن عنيا اعملك اجدع كيك بس انتي الجانيه على نفسك بقى هههههههههه
بالنسبه اني اسافر واحضر التجمع انا فعلا قلت لماما وهحاول باذن الله ارتب اموري عشان اجي لأني مشتاقه اشوفكم كلكم واتعرف عليكم نفر نفررررر
المهم اعرف المكان وازاي اوصله لأني معرفش الف لوحدى في البلد دى
انا عندى احساس قوى بأن عدم عمايلك لقالب الحلوى وانك مش قدرتى تعملى اللوحة هو مودك الوحش والحاجة التانية اللى مستخبية اللى مش قلتى عليها
انتى لو مودك كويس ومعتدل هتعملى قالب أحلى من اللى اشتريتيه وخاصه لو حد بتحبيه او بقالك فترة مشتاقه له ومش بالضرورة يكون حبيب
متعمليش اللوحة تانى لان التلقيد والنقل بطبعه ممل لكن لو فيه ابتكار هيكون أفضل
لما تغيبى كتير كده يبقى الرجوع بلمسه فنيه بسيطة وتطوريها مرة تانية مش عاوزة تعملى حاجة كبيرة قوى وتكون متميزة وانتى عضلاتك وعيونك بقالهم كتير مركونين من غيير شغل
ابدأى بحاجة حلوة بسيطة ومتعمليهاش غير وانتى بالفعل نفسك فيها وممكن تعزمينى عشان تعمليها حلو
ولو هترسمى يبقى برده أبدأى بحاجة بسيطة وأتقنيها
الانسان بطبعه ملول والواحد وهو صغير نسبيا فى السن بيكون عنده ملل ووقت كبير غير لما رتم الحياة بيتغير ولكن يبقى ان تتمتعى بكل المراحل ومش تقرانى مرحلة بآخرى غير انك تطلعى احلى ما فيهم وبس
والحاجة اللى خنقاكى ومضايقاكى كده خدى فيها قرار علشان ترتاحى بقى
لو انا غلطانة قوليلى
سلام
هبة
السلام عليكم ورحمة الله وبركاته
حقيقه اى حاجه الانسان بيتعلمها بنفسه
وبيفضل محافظ عليها مهارته فيها بتنمو وبتزيد
ولكن لو بعد عنها فتره المهارده والاتقان بتقل بس اعتقد انه لا يمحى لان طالما الموهبه موجوده خلاص بالتدريب ممكن يرجع الاتقان تانى
بوست روعه
تحياتى
امممممممممممم
احساسك في محله
بس انا مش حابه اني افضل في مود مش تمام
وبحاول اشغل نفسي دايما واعمل اي حاجه تاخدني من التفكير
انا عملت كده بغرض تصفية ذهني شويه ومحاوله للخروج عن المعتاد
لكن للحق مكنتش متحمسه اوي يعني تقدري تقولي حكمت على المحاوله بالفشل من قبل ما ابدأها
بس فعلا كلامك صح مينفعش ابقى نايمه فترة طويله واحاول اقوم مرة واحده لازم هقع
خصوصا لو مش متزنه وبحاول اهرب من امور معينه شاغله تفكيرى
مقتنعه تماما ان كل مرحله وليها اسلوبها ومايميزها او يسوئها
وكمان فيها من القرارات ماهو مصيري وكل مرحله بتمر بيكون اتخاذ القرار فيها اصعب واصعب
افضل تأجيل اتخاذ اي قرار في الوقت الحالي
عشان اقدر احدد ان كان هيبقى صح ولا غلط
انتي مش غلطانه يا هبه
بالعكس كلام صح اووى
ميرسي ياقمر
بجد استفدت من كلامك
فارس بلا جواد
عليكم السلام ورحمة الله وبركاته
صحيح كلامك
من الخطأ اني ابعد فترة طويله عن ممارسة عمل بحبه وارجع مرة واحده على امل اني هأديه بنفس المهاره والاتقان
لازم هيبقى فيه فرق
ميرسي لوجودك وتشريفك ليا
لب وسوداني
بقول لها ..
ما تيجي نهزر ..
نجري ونلعب ..
ونكسر كل الحاجات ..
ونجيب م اللي فات ..
يومين حلوين ....
قالتلي والنبي إنت فايق ورايق ..
قولتلها ...
طب وليه نتضايق ..
إحنا لسه صغيرين ..
وأكبر عيالنا ..
يا دوب تسع سنين ..
يعني لو بنحكم مصر ..
تبقي يا دوب لفة ونص ..
مش عشرين ..
- وطي صوتك البت بتذاكر ..
والواد مصدقت إنه نام ...
إنما إيه اللي صحي ف قلبك ..
من تاني الغرام ..
قولتلها جوايا كلمتين غزل ..
قالتلي والنبي إنت عسل ..
بس الظروف ..
- مالها الظروف ..
فاكرة لما كنتي ..
بتحوشي م المصروف ..
جبتيلي ورد ف عيد ميلادي ..
- وجبتلك بلوفر صوف ..
- وجبتيلي بلوفر صوف ..
- فاكر لما بوستني ..
وإحنا لسه مخطوبين وأبويا لاحظ ..
يالهوي كنت هموت م الكسوف
- فاكرةأول مرة قلت لك بحبك ..
وشك إحمر ..
- إنت اللي وشك كان مخطوف ..
- مش إنتي كنتي بترسمي زمان ..
- وإنت كمان كنت بتكتب شعر ..
- هو احنا بطلنا نحس ..
- إحنا بطلنا نشوف ...
وطلعنا اللب والسوداني ..
وفتحنا التليفزيون ..
وسكتنا تاني ..
ولا زال السبب ..
غير معروف ..
غير معروف
******
علي سلامة
لازم تحسى من جوة أنك حلوة
عشان تعملى حاجة حلوة
أهم حاجة الأحساس
تفتكرى ليه
كان زمان فى واحد عالم كبير اسمه شكسبير بيقول الوصول الى القمه سهل ولكن المخافظة عليها شيئ صعب جداا
الانسان الشاطر ديما ميخصرس كل حاجا
لازم تعطى كل شيى فى حياتك اولويه واهميه عملك بيتك حياتك مستقبلك
اولادك انشاء الله كل شيى على شان الاشياء ده كلها هتديكى مزيج من السعادة الى انتى محتجاها
وخيرا هزكر كلمه الى الشيخ الشعراوى
حيث قال " اعرف شيى عن كل شيى وعرف كل شيى عن شيى
وشكرا
كيمو ارجو زيارة مدونتى المتواضعة
http://www.talagait.blogspot.com/
بوست جميل بيطبع على كل حاجة فى حياتنا .
لو اهتماينا بيها بتكبر وتنمو
ولو حصل العكس بتدمر وتموت
ونرجع ندور عليها تانى بس للاسف مش بنلقيها
ادق مثل على هذا الموضوع
المعرفة بالشيئ افضل من الجهل بية فما لااحتاجة اليوم وهو بين يدى قد ابحث عنة فى الغد ولم اجدة
تحياتى ليكى
إنتي اللي غلطانة ماكنش المفروض تبعدي عن حاجة بتحبيها
بس يمكن بقي الظروف
يارب تقدرى ترجعي للحاجات اللي كنتي بتحبيها تاني
أكيد في حاجات دلوقتي بتحبيهاوبتعمليها كويس إمسكي فيها بقي وماتتخليش عنها0
اممممممممممممممممممم
بوست بجد يفتح النفس ويجوع
بس المشكلة انا بقي بصراحة
مش بحب المطبخ بحكم غربتي
ووحدتي بفضل اني اشتري جاهز وخلاص
دة المطبخ دة بالنسبة لي مشكلة بحمل
هم بكرة من المطبخ هههههههههههههه
بس اموت بقي وانظف الشقة عادي
اسيق او اغسل بحب كدا بصراحة بالذات لو الجو
حر
تحياتي
لكنك ما زلت تمسكين القلم
تموت أشياء بداخلنا
لتحيا اشياء
هكذا هي الحياة
لذا سيدتي
لابد من البحث فينا
عن حي ينطق
المشكلة
فيمن تموت أشياؤهم
دون أن يحيا الجديد
أولئك يا سيدتي
يموتون مع الأشياء
فقط ابحثي في ذاتك
عن ذاتك
لتكتشفي الكثير
و تذكري أنك
ما زلت تمسكين القلم
تحياتي
عبد من عباد الله
رديت عليا باسلوب اكتر من رائع
ضحكت وانا بتخيل الحوار
بالفعل امور كتير كانت في وقتها جميله ومهمه
ولما مر عليها وقت معين قلت اهميتها
او يمكن امور تانيه جدت في حياتنا وشغلتنا اكتر من اللازم
لكن اقولك حاجه
لو استسلمنا لأحساسنا دا
وسيبنا نفسنا للدنيا
هتموت جوانا المشاعر
وهتبقى الدنيا وحشه جدااااا
ميرسي لردك المميز
دمت بخير حال
Nostor Azzuro
ميرسي لزوقك
الاكيد ان لو مفيش احساس
مكنتش قدرت اعبر عن موضوع مهم زي دا بكلامي
اندماجي في العمل خلاني انسى امور كانت مهمه جدا في حياتي
وعشان كده كان ضروري افكر نفسي وافكر الجميع
اننا منسيبش نفسنا للظروف تنسينا اهتماماتنا وتنسينا الامور الجميله في حياتنا
تفكير الانسان في كل حرف بيكتبه بيدل على مدى احساسه
فكر كويس وهتعرف ان كلامي صح
وميرسي لمرورك
بعتذر ياجماعه
هكمل ردود لما ارجع مرة تانيه باذن الله
اعذروني بجد لأنشغالي الفترة دي
وميرسي لكل اللي بيشرفوني
همساتكم الجميله هي اللي بتدي قيمه اكبر لصفحاتي
دمت بخير
حبيبه .. انا كمان كنت باستمتع بصنع قالب الحلوى و كنت اجد الوقت و كان يهمنى الشكل الاخير واللمسات الاخيره عليه جدا .. ولما نسيت لمده كبيره انى اعمله و بدأت اقول انى مليت وان الجاهز اسهل بدأت مهارتى فيه تقل ..
لكن من فتره حسيت انه وحشنى قوى اللى كنت باعمله وقررت انى اعمله صح واحسن من الاول والحمد لله قدرت ..
عاوزه اقولك ان القرار دايما فى ايدينا .. احنا اللى بنعطى اشاره لمخنا اننا مش عارفين .. او بنأكد اننا نقدر فبنقدر بأذن الله .
صدقينى القرار فى ايديك انتى يمكن صعب نرجع الماضى لكن ممكن نصنع المستقبل ..
و المره الجايه لازم تدوقينى التورته .
تقديرى و تحياتى
rovy
مالك يا حبي ؟
قلقتني عليكي اوي
طمنين مالك
ممكن دي حاجه عاديه
عشان انتي سبتيها فتره
دي حاجه عاديه جدا لكل الناس
مش انتي وبس
يارب تكوني كويسه
بصراحة وصفك للحالة بالمقدمة دى
عجبنى جداا اقولك شئ انا بمر بكل اللى وصفتية بالضبط ههه
المهم طبعا فى اشياء كتير بتفقد اهميتها
عندنا حتى مشاعرنا تتغير [أختلاف الظروف والمواقف
عموما الثبات والاستقرار ضد خصائص الكون ككل
فما بالك بالبشر ومشاعرهم
بوست جميل حبيبة
كعادتك بالتوفيق يارب
السلام عليكم ..
انا مش عامل اب ديت مع المدونة ..فأنا آسف جدا.. لكن موضوعك أعجبني ،هو مش جديد فكل واحد منا اكيد حس بيه مرة ، لكن طريقة طرحه جميلة..بارك الله فيكي اختي
بس عارفة يا حبيبة ،شعورك بالملل هو شيء ايجابي ..لان الانسان اذا مل من شيء صار يريد آخر ، وهذا ما يسمى بالتغيير .. يلا اضجري أكثر علشان تتغير بشكل جذري ...هههه
فيه عبارات رائعة، بعتبرها حكم ليا في حياتي ..-its never to late
-كن جميلا ترى الوجود جميلا
-من عرف الناس استراح ، لانه سيعلم أنهم لا يضرون ولا ينفعون ولا يزيدون ولا ينقصون ..وأنهم كلهم ضعفاء وزائلون
- اشرب لبن وانسى الدنيا .. وهذا انا اخترعته ثم سرقته احدى شركات المشروبات كدعاية...انا امزح
- هل انت حي .. اذن عندك فرصة ثانية
- يا حبيبة سيبك من العمل وخذي عطلة .. مثل صيني
- كمثل الدنيا كمثل الفول اللي بياكل منو كثير راح يخش عالمشفى واللي مش بياكلو مش هيحس انو انسان ، فالاحسن منكثرش منو ...آه
آسف على الازعاج والسلام عليكم..
حبيبة
انا ليا كام يوم كل ما ادخل على مدونة الاقى صاحبها ولا صاحبتها سارق شغلتى
قوالب الحلوى دى امتياز ليا لو سمحتى
انا بخترع وببدع انواع جديدة وكتيرة من الحلوى بس ليا ولاصحابى وبس وممنوع البيع وكمان ممنوع نقل الوصفات
بس هبقى اديكى وصفة هدية
بس الحاجة اللى حارقة دمى ومش عارف اعملها ولا بحبها الرسم
المهم
جميل قوى البوست ده فيه فلسفة كتير
بس ان شاء الله مع الاصرار هترجعى ترسمى احسن من الاول وكمان تعملى قوالب حلوى ممتازة بس متنسينيش
تحياتى
مش ممكن
معقوله اللى بتكلمنى ع الماسنجر هى اللى كاتبا الكلام دا
دا انتى طلعتى دمااغ ههههه
لا بجد كلامك معقول جدا ومتزن
انتى بس ميتنيه اللى يكتشف الحجات دى جواكى ويطلعها
منتظؤرا الحدث
زمااان كنت بموت فى كتابة الخواطر والشعر
كنت عامل اجنداات
بس مع المسئوليات والحياه والاولاد
كله راااح
لغاية مادخلت النت
وقريت وشفت كلامكم
طلع من جوايا كلام احسن من بتاع زمااان
وبعدين مليش دعوه
انا عاوز ااكل حلاوه
انا جاى اسماعليه
تحياااتتى
احمد سكر
شكلك كده بتحبى المطبخ اوى
انتى وحشتينى جدا
talagiat
السلام عليكم ياكيمو
فعلا المحافظه على النجاح اصعب من النجاح نفسه
بس عايزة اقول ان كل وقت وبيبقى ليه اهتماماته الخاصه
والسعاده بتكون في عمل شئ انا بحبه وبعتبر ليه قيمه في حياتي مهما
كان العمل بسيط
ميرسي لمرورك الجميل
وان شاء الله هتلاقيني متابعه مدونتك
محمود
ميرسي ليك
انا حسيت ان كتير مننا فعلا بينسى امور كتير كان بيعملها وكان ليها
اهميتها وقتها
بس مع مرور الوقت الواحد بينسى
خصوصا لو انشغل بأمور تانيه زي العمل او غيره
ميرسي لمرورك
الزواج روضة الحب
فعلا انا اللي غلطانه لأني تخليت عن حاجات كنت بحبها جدااا
بس دا لأن امور جديده ظهرت في حياتي شغلت وقتي
واكيد دلوقتي انا بقيت احب الكتابه
وبحاول قدر الامكان متخلاش عن قلمي مهما حصل
سعيده بطلتك على موضوعي
واتمنى دوام التواصل
دمتي في حب وسعاده
ياسر
السلام عليكم
كويس ان البوست فتح نفسك
ربنا يعينك على غربتك
وتقدر تستمتع بكل لحظه ممكنه فيها
تنضيف شقه بقى ولا طبيخ مش فارقه
كله شغل وانت مسئول عنه
ربنا معاك
وميرسي لمرورك
د.احمد
قرأت كلماتك وتذكرت
نعم .. انت محق
رغم اني كسرت ريشتي
وسكبت كل الوانى
ومزقت لوحاتي
لكنى لازلت امسك بالقلم
سأتمسك به
فهو المعبر عني
ولو اضعته
تهرب مني ذاتي
وإن هربت
اشك اني اجدها مرة اخرى
اشكرك لأنك قرأت مابين السطور
دمت بخير اخي الكريم
روفي
اهلا بيكي غاليتي
تعرفي اني كتير بقول القرار في ايدنا
واحنا المسئولين عن الفشل او النجاح
لو اني اصريت اني اعمل القالب كويس كنت قدرت
لكن المشكله اني بعمله وانا من جوايا واثقه بعد قدرتي
وهي دي المشكله
اني حكمت بالفشل من قبل مابدأ
اكيد المرة الجايه هحاول صح وانا عندي احساس اني هنجح
كلامك مشجع كالعاده
دمتي بخير غاليتي
زوزو
ازيك ياقمر
متقلقيش ياقلبي
انا بخير والحمد لله
كانت محاوله فاشله خرجت منها ببعض الامور
واكيد هغيرها في المستقبل
تسلميلي ياقمري
واسفه اني قلقتك
نهر الحب
ميرسي ياقمر
واضح ان طبيعة البشر واحده مهما اختلفت اهتماماتهم وطريقة
حياتهم
ودا اللي بيدفعنا دايما للتغيير
بس لما يتعلق الامر بالمشاعر بتبقى مشكله ولازم نلاقي ليها حل
ميرسي لمرورك الجميل يانهر
لكي خالص ودى واحترامي ياقمر
مصطفي
عليكم السلام ورحمة الله وبركاته
ازيك يا اخي لعلك بخير ان شاء الله
ولا يهمك يا مصطفى المهم انك متابع جيد ودا مش غريب عليك
اول مرة حد يقول ان الشعور بالملل شئ ايجابي
بس تعرف انت عندك حق
لأن شعوري دا بيدفعني للتغيير
بس المشكله انه احساس صعب وشعور مقيت بجد
واحيانا بيخليني مقدرش اتحرك خطوة واحده
عموما دايما الفرصه قدامنا اننا نغيير في حياتنا ونرتب امورنا من
جديد
بس ايه الحكم دي
اشرب اللبن وانسى الدنيا هههههههههه
انت مشكله يامصطفى
لا حرمني الله من وجودك اخي
عرفه
مين سرق ايه من فين ههههههههههههه
بقى انت امتياز في صنع الحلوى
عشان كده كله توب سيكرت واصحابك ياعيني هما اللي بياكلوها
ماعلينا
كويس بقى ان ملكش في الرسم
اصلك لو عرفت ترسم مش بعيد تنافس لوحاتك بيكاسو ولا مايكل انجلو ههههههههههههههه
ميرسي ياعرفه لتواجدك
ولو اني زعلانه عشان مجتش
حضرت الفرح ونسيت تقول ازيكم من لقى اصحابه يعني
احمد سكر
اه والله
تصور بقى
عشان تعرف بس انك بتكلم عقليه علميه معمليه فذه ههههههههههههه
بس بجد كل الردود بتأكد ان كلامي صح
والحاله دي بتمر عالجميع
الانشغال وزحمة الحياه بتاخد الانسان في دوامه وبتنسيه حاجات جميله كانت اساس في حياته زمان
بس فعلا زي مابتقول
المشاركه عالنت من خلال المدونات وكده
بتدي الانسان دافعه انه يخرج كل اللي جواه
وبيستعيد حاجات جميله جداااا
ياللا يا استاذ اشجينا اكتر بقى بالخواطر الجهنميه بتاعتك
وانا اجيبلك اجدع قالب حلوى
واكله بالنيابه عنك كمان هههههههههه
تنوررررررررر
شفقه
مين قال ياحبي اني بحب المطبخ
دا كان زمااااااااااااااان
انتي كمان وحشتيني ياقمر
معلش كنت ملخومه مع النونو وام النونو
اى حاجة بنحبها
لو اهملناها هننساها
ولو كل واحد بيحب حاجة من وقت للتانى
حاول يعملها مش هينساها
وانتى حاولى تانى مش تفقدى الامل
والاكيد ان شاء الله
انك هتعملى احسن من الاول بكتير
عندك حق يارارا
لو اهتميت اني اعمل الحاجه اللي بحبها باتقان اكبر وباصرار اكتر اني انجح اكيد هقدر
ميرسي لتواجدك الجميل
دمتي دائما بكل خير
فكرتك وصلت بطريقة رائعة
والله مع الاستمرار فى فعل الاشياء بيجزب الانسان الى المهاره المتقنه وحتى لو بعدنا عنها لفتره بتكون اول ما ايده بتيجى عليها بيرجع كما كان ماهر بها ولكن انا حسيت ان فى شيئ وراء الستار فى كلامك ولكن ما هذا الشيئ الله اعلم اتمنا خير بجد ليكى وحشه
نور احمد
سعيده بتواصلك معايا
دمتي بخير دوما عزيزتي
ادم المصري
ميرسي ليك ولتواجدك الدائم
على فكرة جميله جدا مدونتك الجديده
حبيتها لأنها بترجعني للزمن الجميل بجد
دمت بخير صديقي العزيز
إرسال تعليق