.jfif)
قالت لي ذات يوم
الحب وجع القلوب
نعم غاليتي
وجع ...
وقدر علينا ومكتوب
*****
الحب
نهر من الاحزان
علي ضفافه يجلس الايتام
صرخاتهم تصم الاذان
****
وياله من زمن عقيم
الباحث فيه عن الهوى مجنون
زماننا لا دواء فيه لسقيم
دروبه ملأي بالحيارى والمساكين
*****
ترى اين ليلى وحبيبها المجنون
بل اين روايات العشق ...
وابيات الشعر المنظوم
******
الان نبحث في بقايا الزمان
عن شدو طائر ضاعت منه الالحان
وما نسمع الا نعيق الغربان
ولأننا نأبى ان تموت الاحلام
ندعي انه هديل حمام
*****
آآآآآآآآه
كفاني ما كان
لن ادعي الطهر والنقاء
ولا انوي النطق بالكذب والهراء
فما اكثر المتخفيين خلف شعارات
فقط ...
رحماك ربي رحماك
من زيف هذا وذاك
*************************
هذه رساله أجلتها كثيرا
******
اليك يامن تظن انك قيصر العشق والهوى
فتتغني بالحان ليست الحانك ..
وتلقي شعرا ليس من نظمك ولا من نزف احبارك ..
يامن تدعي وتدعي ولا تمل من الرياء..
لماذا تصر على الزيف والخداع
اما ان الاون كي تكف عن العبث والهراء والقاء الاتهامات
لست دليله كي اخون وانت بالطبع لست شمشون
فلا تدعي الحزن علي رحيلي والجنون
لم تكن يوما قيس
فكيف اكون ليلاك..؟؟
35 همسـاتكم:
هذه رساله أجلتها كثيرا
ادراج مميز فعلا هناك العديد من الرسائل المؤجلة والتي يجب علي فعلا ان انشرها مثلك لعل هؤلاء الحمقي يعون ان الحب احساس صادق لا يعرف الزيف ولا الخداع ولا حتي الالوان !!!!!!!
السلام عليكم
ليه بس الحزن ده
ده احنا فى ايام مفترجة
كنتى اجليها شوية
سلالالالالالالالالالالالالالالالالالالالالالالالالالالالام
حبيبة القمر
غابت همساتك كثيرا
لكنها عودة تحمل الكثير من الغفران
تحية لحرفك
و همساتك اليائسة
جميله الرسايل دى
هو صحيح البوست فيه شويه حزن
بس رقيق قوى
رحماك ربى من هذا العذاب قلبى من الاشواق داب
ههههههههههههه
يا بنتى قولت لكى سيبك والله قيصر مين
اللى يعمل فيها كده يبقى مش فاهم حاجه الحب مش كلمتين الحب تضحيه وحاجات كتير
روحى اقعدى على البحر وانتى هتروقى
العزيزة نسومه
لأنهم حمقى فلن يفهموا ابدا المعنى الجميل للحب والتضحيه
بل جل همهم التمثيل وقلب الحقائق
فيصبح المخادع الكاذب هو المخدوع المغلوب على امره
لا تؤجلي رسائلك عزيزتي
دمتي بخير
حدوته
عليكم السلام ورحمة الله
ياسيدي مفيش حزن ولا حاجه
بالعكس دي مصالحه مع النفس اللي ياما جيت عليها
كده يبدأ الفوقان
لك تحياتي
د/احمد
غياب كان لابد منه رغم قسوته
لكنها وسيلتي كي تعود حبيبة القمر
خالص تحياتي
رومانسي
الجميل هو تواجدك
ولا تقلق فالحزن حتما له نهايه
دمت بخير
ايون يا ابي يا حبيبتشي
انتهى زمن القياصرة خلاص
انا مش زعلانه على فكرة
بس يعني محبش اسيب المواضيع عايمه
خصوصا لو حسيت ان الادوار بتتبدل بطريقه مستفزة
ماعلينا انا هسمع نصيحتك واروح اقعد عالبحر وانسى
تحياتي ليكي ياقمرى
أولاً أعتذر عن الغياب عن مدونتك
إنما والله كنت ببص عليها من وقت للتاني وكنت ملاحظ غيابك لفترة وإن شاء الله الفترة الجاية يكون تواجدك مستمر بإذن الله
------------------
الحب
نهر من الاحزان
علي ضفافه يجلس الايتام
صرخاتهم تصم الاذان
أتفق وأختلف معك
اتفق في ان الحب به قدر من الأحزان لكن هذا الحزن ربما يكون الشجن وإن كان الشجن مؤلم فألمه لذيذ وغير مؤذي
واختلف معك في أن من يجلس على ضفافه الأيتام .. فسبب يتمهم هو سوء إختيارهم وهذا ما جنته أيدهم
الحب في الأرض بعض من تخيلنا
لو لم نجده عليها لاخترعناه
-------
وياريت لو في حاجة تانية في الدرج خرجيها علشان تمتعينا :)
دومتي دوماً مبدعة
وليد
حبيبة
شكلك كدة متقصديش القمر
احم احم
ليه الزعل ده كله دا احنا طالعين من
عيد
بس فى الكلمات حاجات جميلة تقدرى تقولى
دروس فى التعامل
عارفة رغم الموسيقى اللى مش متظبطة خالص متزعليش أنا مش بجامل حد
المهم رغم الموسيقى اللى مفيش اصلا
ههههههههههههههههه
بس فعلا الكلمات تدخل القلب على طول
يمكن لأنها خارجة من القلب
تحياتى
رساله حلوه اوي
ومؤلمه اوي
احييك علي البوست الحلو دا
وحشاااااااااااني اوي يا بت والله
ابقي سالي
عشان ضرب بعد كدا
ههههههههههههههه
وطمنيني عليكي
مساء الخير
الرسالة حلوة اوي اوي
اما ان الاون كي تكف عن العبث والهراء والقاء الاتهامات لست دليله كي اخون وانت بالطبع لست شمشون فلا تدعي الحزن علي رحيلي والجنون لم تكن يوما قيس فكيف اكون ليلاك..؟؟
هو بجد هيندم كتييير علي فراق (ليلي)
تحياتي لكي
حلو اوى اوى اوى ياحبيبه
وخصوصا قفلتها
انا نفسى والله منزمان ابعت شويه رسايل
وشكلى حعملها وابعتهم بقى
اصل القلم عايز يكتب شويه
الاخ العزيز وليد
اعتذاري يسبق كلامي فانا المقصرة لا انت
قد نختلف في رؤيتنا للحب هذه الايام ولكني اتفق ان كل منا يسعى لتحقيق هذا الحب بغم صعوبة ذلك
عزيزي الحب وجع مستمر
ولم يكن ابدا باختيارنا هذا الوجع
هل اليتم باختيار الانسان
بالطبع لا
انما هو قدرهم ان يكونوا ايتاما
الحب في الأرض بعض من تخيلنا
لو لم نجده عليها لاخترعناه
لنستمر اذا بالحلم ولنبتعد عن الواقع
اشكرك لتواجك الطيب
واعدك بالاستمرار قدر المستطاع
كل سنه وانت طيب
اهلا بيك يا عرفه
شكلك هتعمل اديب عليا
ماشي هفوتهالك عشان احنا في ايام مفترجه بس
بقى عاجباك الموسيقى
دنا كتبت على انغام عمر خيرت و ياسر عبد الرحمن
ماشي ماشي
المهم ان كلماتي تتفهم وتتحس
لأنها فعلا خارجه من قلبي
تحياتي ليك يا محارب
حبيبتي زوزو
انتي اللي وحشاني مووووت
ثم انتي مش بتظهري
الدراسه بدأت بقى
ربنا يعينك
ابقى افتحي الميل شويه صغنونه
احسن شكلي انا اللي هضربك
خلي بالك منك
تحياتي ليكي ياقمرايه
حبيبه
مساء الانوار ياجميله
دي الرساله اللي كان لازم اكتبها من بدري
واكيد اللي بيدعي انه قيس مش هيقدر يحافظ على ليلى
ماعلينا
انتي نورتيني بجد
نعناعه
الاحلى وجودك ياقمري
ابعتي يابنتي
متسيبيش رساله في الدرج
خلي القلم يكتب وياخد راحته
نورتيني ياقمر بجد
السلام عليكم
رسالتك برغم حزنها مبدعه و كلماتك صادقة لاحساس و المعنى ..
حقيقى جميله تسلم ايديك و احساسك
و دمتى مبدعه
كلام قاسي جدا
بس عجبني كبريائك
تحياتي ليكي
وربنا يكرمك بالي احسن منه باذن الله
مي
احساس جميل وصادق
تعرفي انه انا ساعات باحس ان ماساة الانسان في العالم كله اليوم هي الكذب
علي فكرة كلنا بنكذب..بس كل واحد بطريقته
تحياتي
كل من كان هنا
بدأ يرحل
وكل ما كان بداخلنا
بدأ يموت
فوداعا لكل شئ
ووداعا يا..انت..!!..
******************
هكذا القلوب عزيزتي عندما تقسو...
وهكذا الأصداء عندما تخفت...
فرفقا بقلبك سيدتي...لا يوجد من يستحق...
حبيبة
رحتى فين انتى بتنفضى تانى ولا ايه
يعنى ان مكنتش أسأل انا متسأليش
ماشى يا ستى
براءة النوبة دى علشاان انا والله مشغول اليومين دول
بس مستنى تعليقاتك عندى
واكتبى حاجة جديدة
السلام عليكم
ازيك يا بيييييبة كيف الاحوال كل سنة وانتي طيبة انتي فين من زماااان رسالة جامدة بجد عارفه انا بتغاظ من اللي بيقول انه بيحب ومتشحتف بس مش بيعمل حاجة تدل على الحب ده يعني بيقول كلام وبس ربنا ييسر لك كل امورك ويسعد قلبك ياااارب
حبيبة
عدت عليكى اول قصيدة
هتعدى عليكى التانيه
مستنى تنورينى
شارك في الحملة الشعبية للقيد بالحداول الانتخابية وادعو غيرك
ضع بنر الحملة علي مدونتك
البنر موجود علي مدونتي
ازيك ياقمرة
عاملة اية اسفة على التقصير
فى المرور
بجد بجد كلماتك رهيبة ومؤثرة للغاية
من فترة لم اقرأ ما يؤثر بى
برافوا عليكى
حبيبة
ازيك
لسة مش منتظمة
سأرحل ولكنى سأتابع من بعيد
وألقاك فى عالم آخر
حبيبة القمر
سعيدة بمروري لمدونتك الرائعة حبيبتي بوست جميل وإحساس قوي بس الحب ده نعمة لو إحنا عرفنا إزاي نوظفوا بلاش قصص ليلى وقيس وعبلة وعنتر ده لي خلى الغرام ينتهي في وقتنا ده لأننا بنخلي قصص هايفة بنظري زي دي قدوتنا
أكيد حتلاقي الحب بس ياريت لما ييجي تقدري تحافظي عليه سلمت يمناك تقبلي مروري
كل سنة وجميعكم بخير
كل سنة وجميعكم فى سعادة وهناء
كل سنة ونحن أوثق وأقرب
جمعنا الله معا على عرفات
(`'·.¸ (`'·.¸*¤* ¸.·'´) ¸.·'´)
♥*** happy feast ***♥
(¸.·'´ (¸.·'´*¤* `'·.¸) `'·.¸)
رائعه حتى وانتى فى منتهى الحزن
تماماً كالنحله مهما تغير طعم الزهور فهى لا تفرز الا العسل
تسلم ايدك
واتمنى انى تتخطى الازمه سريعاً
تحياتى
اشكر للجميع مرورهم الرقيق واعت>ر منهم على انقطاعي عن المدونه فترة طويلة
واتمنى محدش ينساني ويتابعني من تاني
لأني اكيد هرجع مش بصفه يوميه لكن عالاقل اسبوعيه
عندي حاجات كتيرة محتفظة بيها ليكم
اتمنى اعرف رأيكم فيها
إرسال تعليق