.jfif)
واجب وصل لي عن طريق الانسان الجميل ياسر
الواجب عنوانه أذكر 6 أسرار قد لا يكتشفها من يقابلك أول مرة
..قوانين الواجب:
1. أذكر اسم من طلب منك حل هذا الواجب
2. أذكر القوانين المتعلقة بهذا الواجب
3. تحدث عن ستة أسرار قد لا يكتشفها من يقابلك للمرة الأولى.
.4. حول هذا الواجب إلى ستة مدونين، وأذكر أسماءهم مع روابط مدوناتهم في موضوعك.
5. اترك تعليق في مدونة من حولت الواجب عليهم، ليعلموا عن هذا الواجب.
وعليه ابدأ بسم الله
من خلال عشرتي الطويلة للمدعوة حبيبة القمر اللي هي تبقى انا قدرت اعرف بعض الاسرار واللي نادرا مايكتشفها حد حتى انا شخصيا بتفاجئ اني عرفتها
1- اول الاسرار دي انها كانت خجوله جدا جدا وبطريقه تخنق لدرجة انها لما بتتعرض لموقف يتطلب حسم تحط وشها في الارض وتنسحب بهدوء "ولازلت احتفظ بالخجل الزايد ولكن بداري الموقف في الهزار.. يعني عشان الخنقه وكده "
2- مترددة جدا جدا جدا ولما بحاول اعمل شمشون الجبار واخد قرار سريع مش بكون راضيه عن النتيجه حتى وان تظاهرت بالعكس
3- من صغري كنت احب يكون ليا عالم خاص ممنوع الاقتراب منه منعا باتا سواء روايات او شرايط او الاجندة الخاصة خصوصا الاجنده دى كان يستحيل اسمح لحد يقرب منها وخصوصا أي حاجه كتبتها
" كنت ارى ان ما افعله واكتبه صواب ولا يحتمل الخطأ وبالتالي مش محتاجه اسمع رأي او نصيحة من حد"
ودلوقتي بقيت العكس تماما مش في مسألة العالم الخاص ولكن فيما يخص كتاباتي اصبحت احب ان اسمع رأي الجميع فيما كتبت ولا اخجل اطلاقا من سماع النقد والتوجيه حتى وان خالف وجهة نظري .
4- كثير من الناس ربنا يبارك فيهم بيعتقدوا اني مثقفة وافهم في كل حاجه وبيبهرهم اسلوبي في التفكير وانا بحب اصدقهم هههههههههه
لكن بصراحه كتير بحس اني جاهله جدا وان اختى الاصغر مني تفهم عني حتى اني بتعلم منها امور من البديهي اكون عارفاها
وبقولها دايما انا اختك الصغيرة معلش استحملي جهلي وفهميني بالراحه وطبعا بتعد تضحك وتستغرب وتفكر اني بهرج " سبحان الله حتى اختي مش مقتنعه ".
5- كنت بخاف موووووووووووت من الضلمة وبكره اكون لوحدى في مكان وممكن من كتر خوفي وجبني تحصلي كوابيس وحاله من الشلل المؤقت.
ولكن بقدرة قادر اصبحت الان افضل الليل عن النهار واستمتع جدا لو سهرت لوحدي وياسلام لو كان القمر فارش نوره على صفحة السما في ليلة صافيه والاجمل ان الوقت ياخدني لبعد الفجر واشوف لحظة الشروق يا الله عالمتعة بحس اني بتولد من جديد.
6- سر الاسرار واخر الاسرار وابشعها على الاطلاق واللي حقيقي مش عارفه سره ايه لكن بحاول الا وهو
" عندي قدرة عجيبه وغريبة اني ازعل اغلى الناس واعز الناس في اكتر الاوقات اللي بكون محتاجه ليهم فيها"
يمكن قلة عقل او اني محبش احسس حد بضعفي
ولكن اللي يعرفوني كويس مش بياخدوا عليا وبيسامحوني بسرعه
بكده انا افشيت بعض اسرار حبيبة القمر بس محدش يقولها اني قلت حاجه
استنوا فيه سر كمان زياده عشان تعرفوا كرم الاسماعلاوية بتاعي
" بجد بجد حبيبة ( اللى هو انا يعني )بتحبكم كلكم في الله ونفسها تتعرف عليكم وتشوفكم فرد فرد وبتدعيلكم كلكم بدوام الصحة والعافية وراحة البال"
بشكرك يا ياسر لتمريرك الواجب الجميل
وبدوري بمرر الواجب لكل من
1- صديقتي الغالية امل صاحبة مدونة شمس اللقاء
2- البنوته اللي بموت فيها زوزو
3- سيدة الحرف والكلمه الرقيقة كاميليا
4- الاديب العاشق او التنين المحارب عرفه باشا
5- شفقه واحسان اللي مدونتهم بتموتني ضحك
6- واخيرا صاحب القلم المميز د. احمد وجه جديد
بشكركم جدا
دمتم بخير وسعاده
43 همسـاتكم:
اول تعليق
هههههههههههههههههه
هقرا وهرجع تاني
بالنسبه للاسرار
فانا برده خجوله اوي زيك بس احيانا
لا مش بكست
لما اكون خلاص مش قادره
انا كمان متردده اوي
ونفسي اغير الطبع ده والله
برده كنت بخاف من الضلمه اوي
لكن دلوقتي عادي احيانا برده بخاف
احنا كلنا بنحبك واكيد مش هنزعل منك
وانتي حد حلو اوي وانا بموت فيه والله
ربنا يحفظك يارب
وميرسي علي الواجب انا بكره الواجب بس دا منك
لازم اعمله
ههههههههههههههههه
تحياتي ليكي حبي
حبيبه ي قمر انتى لازم متبقيش متردده
ابدا
انماايه الناس اللى بتقول اسرار دى انا جالى الواجب ومش عارفه احله طيب اقول اسرار ايه بس معنديش تسلفينى من عندك سرين هههههههههههههههه
ههههههههههههه
ازيك يا زوزو
ليكي عندي حاجه ساقعه
حلو اوي طلعنا في الهوا سوا ياست زوزو
انا شاطرة في ابداء النصح
بطلي خجل شويه هيمنعك من حاجات كتيره بتحبيها
وبطلي تردد عشان دا بيضيع حاجات مهمه من ايدينا
ومتخافيش من الضلمه لأن الليل حلوووووووووووووووووووو اوي
واياكي اياكي تزعلي مني مهما حصل
بجد بجد بحبك اوي اوي اوي
ربنا يخليكي ليا دايما
وهستنى اشوف الواجب
وبطلي كسل سامعه
خالص حبي ليكي ياقلبي
ههههههههههههه
ابي بطلي كسل وحلي الواجب بتاعك
بحاول والله ابطل التردد بس مش بكون راضيه دايما عن قراراتي لو اخدتها بسرعه
المهم سيبك
قوليلي كام سر كده من اسرارك
متخفيش مش هقول لحد
سررك في بيييييييييييييير
حكاية العالم الخاص دي
طمنتني إني طبيعي
لان لو حد عندي تجاوز الخطوط الحمرا
يبقى على الدنيا السلامة
وكانوا بيقولوا عليا قطي جمل
يعني الحمد لله في ناس كتير لاسعة
انت طيبة أووي
حبيبببببببببببببببه
وحشتينى مووووووووت ياقمر
ماشاء الله المدونه بتاعتك سكر وجميله جدا جدا
واسمحى لى اتابع من هنا ورايح بانتظام
ماشاء الله
ربنا يبارك فى موهبتك وجمال حرفك وتلقائيته
نسيت اقولك انا نااعومى
السلام عليكم ورحمة الله وبركاته
حبيبة القمر مش معقوله طيب انا كده هكتب ايه في اسراري حاسة ان أنا عامله زيك تمام حتى لما جيتي تقولي على الضلمة قلت لا أنا بحبها لقيتك بتقولي لكني بقيت بحب الليل .. وبعدين ايه الورطة دي .. ممكن كده يقولوا علي غاشة منك ههههههه .. مش عارفة اشكرك ازاي انك وصفتيني بالصديقة الغالية واهديتيني واجبك الجميل .. ربنا يسعد قلبك ويوفقك .. خالص تحياتي وحبي
مبروك على التاج .....وميرسى ليكى كتير يا قمر انا فرحانه بالتاج اوى بس بقولك ايه اوعى يكون تاج مش مرصع بالدهب والالماظ ها؟؟
شفقة
حبيبة القمر
وصاحبة أكبر صدق و براءة في أداء واجب الأسرار ..
صدقيني مازلت أتعرف عليك يوما بعد يوم ...
دمتي جميلة و نقية ..
اولا احى ياسر على التمرير الجميل لكى
ثانيا
فينا شئ مشترك
وبجد حلو اوى انه عرفنى عليكى اكثر
رقيقة كمان اشعر وتصورت
يارب تكونى بخير وسعادة على طول
واجاباتك حلوة وصادقة
انا مش متفقة معاكى
انتى مش جاهلة ابداااااااا
والدليل الكلام الجميل اللى بتكتبيه
بالتوفيق
تحياتى
همساتي الحبيبة
أنا حليت الواجب وجيت أقولك زي القوانين ما بتقول هههههه .. تحياتي
(من صغري كنت احب يكون ليا عالم خاص ممنوع الاقتراب منه منعا باتا سواء روايات او شرايط او الاجندة الخاصة خصوصا الاجنده دى كان يستحيل اسمح لحد يقرب منها وخصوصا أي حاجه كتبتها)
علي فكرة دي سمات الفنانين دايما .. رغم ان كتابتهم بتكون رائعة وبتعجب الناس .. لكن مايحبوش حد يقرا مذكراتهم أو الاجندة اللي فيها خواطرهم .. لأنها عالمهم الخاص الذي يتجردون فيه من زيف الحياة .. لذلك كانت فكرة المدونات هي فرصتنا لكي نقرأ كلامك الرائع
وأحييك علي كل الصفات اللي ذكرتيها .. وبالتوفيق دايما
اولاا انا في شدة الخجل وبجد متاسف
علي التاخير لظروف منعنتني عن الزيارة
وكشف منجم الاسرار دة والاغنية الجميلة
خجولة جدا جميل جدا ان الانسان يكون خجول
بس الانسحاب في بعض المواقف في ناس بتفهموا ضعف او خوف للاسف
والموجهة هي سيد الموقف تعرفي تشبهيني شوية في حتة الخجل دي بس انا
بعالج الخجل بالنرفذة والعصبية لاني لما بتنرفذ مش بشوف قدامي واهو احسن من الخجل
اما التردد مش كويس لازم تاخدي قرارتك وحدك بلاا تردد او رجوع في القرار الا اخدية
العالم الخاص دي بقي اجمل حاجة بس اجندة او مذكرات صغيرة قوي مثلاا مكتب او دورج مكتب تحتفظي فية بخصوصياتك .......
اما احساسك انك جاهلة فا دة تواضع منك طبعا لان من المستحيل جاهل يقول علي
نفسة جاهل والدليل انك بنوتة مثقفة ورقيقة كلماتك وسطورك
الضلمة يا ماما دي الرومانسية والهدوء ودكاترة بيوصفوهاساعات للناس لراحة الاعصاب
والهدوء
اما القمر بقي دي حكاية تانية خالص القمر00000000000000000000000000000
قدرة عجيبه وغريبة اني ازعل اغلى الناس صح انا بردة كدة بس عارفة لية بنتصرع كتير
مش بيكون عندنا صبر لمعرفة الناس دي بدراسة وهدوء او بنصدق اي حاجة او اي كلام
علي الناس دي وبنتصرع ونظلمهم بواقع تجربة شخصية
الشك ساعات او عدم الثقة بيخلينا نفقد اغلي زهور بتفتح في ربيع عمرنا للاسف
اة صح حتي انا بردك الا يعرفوني كويس بيسامحوني بس حسب شكي وغلطي فيهم
او حسب الشخص الا هيسامحني دة هل هو حساس هل تعبتة نفسيا وكدا يعني
الاسماعلاوية دول اجدع ناس ودي مفيهاش نقاش بس الله يكون في عونكم حر قوي
ههههههههههه اية مزورتنيش يعني ولاا حتي علقتي علي همسات مسافر
المفروض كنتي تكوني اول تعليق لو تلحظي مدونتك اسمها همساتي والبوست بتاعي
همسات مسافر فين الحاسة السابعة ما علينا
برافو انك حليتي الواجب وحطام انسان مظاطط واداكي عشرة علي عشرة
مجيبتيش ملحق ههههههههههه
تحياتي وتقديري
كل الود والمحبة في الله ورسولة الكريم
ياسر
اة نسيت والله
اسف علي الاطالة دانا رغيت
كتير بس غصب عني انتي عارفة بقي
سبت احد WEEKEND
وزهق مش لااقي حاجة اعملها
متاسف علي الاطالة
اولا اسفه جدا لانى اتأخرت عليكى ..
المهم اجاباتك للواجب 10/10 لانك صادقه جدا وده يحسه كل اللى بيقرأ كتابتك و كمان كشفتى عن اسرار غايه فى الاهميه .. انا كمان بأتخنق من الظلام الدامس لدرجه ما تتصوريهاش و مع ذلك بأعشق الليل و القمر و السهر و بأموت فى شروق الشمس و بأحس احساسك بميلاد يوم جديد ..
الخجل احساس بأحس انه طبيعى فى الانثى خصوصا لو بتتعامل مع ناس لاول مره ..
ربنا يبارك فيكى و فى جميع اصحابك و احبابك ..
دمتى بخير فى حفظ الله
تحياتى
rovy
صباح الفل
اسرارك جميلة وانا حاسة انك كنتى بتتكلمى عنى فى حاجات كتير من اسرارك
الخجل بيقى طبيعى عند اى بنت
انا من كتر الخجل معرفش اتكلم مع اى حد
لكن والله عالم التدوين علمنى حاجات كتير
ان بتكلم وبرد على الناس ...يعنى
والتردد ده شئ طبيعى واحيانا كتير بندم فى الاخر
انتى طيبة اوى وربنا يوقك
أختك rara
حبيبه القمر
كلامك فى الرد كان صادق اوى علشان كدا وصل بسرعه وفكرتنى بيا فى موضوع لوحدك كدا والاجنده وفعلا الواحد بيتغير كل ما يكبر اما موضوع زعلل ناس بتعزيها منك فدا ما فيش اكتر منه
عجبتنى مدونتك بصفه عامه
وان شاء الله ليا زيارات كتيره
يبدو انني سأجلس على نفس الكرسي
لأكتب لكم
ما ظل بالصدر مكتوبا بالحبر الخفي
شكرا على تمريرك حبيبة القمر
أما أنا فسأعطيك 9/10
فقد أعلنت اسرارك
و ما زلت تخفين الكثير
تحياتي
يا اهلا يا اهلا
جميلة قوي اجاباتك
انا مجاوب نفس التاج في آخر بوست
بس التناقضات شنيعة بين الاجابتين
ما شاء الله
ربنا يوفقك
بجد اسرار كلها جميله جدا وابدعتى فيها بس انا مش عارف اقول ايه خجلان جدا منكو كلكو اصراحه بس عديهالى المرادى
عارفه مش عارف ليه
السلام عليكم
الحمد لله اني لقيت حد متفق معايا
في مسألة العالم الخاص
الواحد بدأ يفكر انه مجنون ولا حاجه
ربنا يكرمك ياطيب
وميرسي لوجودك الجميل دوما
ناعومي ياعمري
عامله ايه يانعنع وحشاني ياقمر
تسلميلي يا اطيب قلب على الكلام الجميل
الموهبه وجمال الحرف قطره في بحرك الوافر
دمتي لي جميله
صديقتي الغاليه امل
ان كنتي تشبهيني او تشاركيني في بعض اسراري فهذا
شرف لي فأنتي بحق انسانه جميله في جوهرك وطيبه في
معاملتك ومحبه للخير لكل من حول
دمتي كما انتي غاليتي
شفقه هانم واحسان بك
الله يبارك في عمرك ياقمر
متقلقيش التاج دا وصايه
كله هب وياقوت ومرجان ولا مغاره علي بابا
هههههههههههه
بس انتي حليه وبلاش حركات
د\اسماء علي
تعيدني كلماتك الى زمن الطفوله الجميل
فأتخيل نفسي بفيونكه حمرا اداعب الجميع كي استمتع
بابتسامتهم لي
حقا تسعدني كلماتك دوما
فلا تبخلي بها عليَ ابدا
نهر الحب
اشاركك التحيه للصديق العزيز ياسر
ولأنك نهر الحب فأنا في غاية السعاده ان بيننا اشياء
مشتركه
دمتي بكل خير عزيزتي
سمسمه
صاحبة الاسلوب الرقيق والاحساس الصادق
الاعتراف بالجهل يحث على الاستزاده من العلم اكثر
فليتني اعترف دوما بجهلي
سلمتي لي من كل شر غاليتي
الغاليه امل
دائما انتي ملتزمه بالقوانين
ودائما انا من يكسرها (وش مكسوف)
فسامحيني ان تأخرت عليكي
الغاليه امل
دائما انتي ملتزمه بالقوانين
ودائما انا من يكسرها (وش مكسوف)
فسامحيني ان تأخرت عليكي
فارس بلا جواد
بل فارس من الزمن الجميل
صدقت حقا
فالمدونات هي العالم الفريد الذي سمحت لنفسي ان انشر
فيه بعض ما اكتب بل وخرجت به من انطوائيتي التي
احبها الى عالم عشقته بل وادمنته
لك مني كل التحيه والاحترام
الصديق الجميل ياسر
ليس بين الاصدقاء اسف
فلك عذرك وانا مقدره لظروفك
كعادتك تفند السطور والكلمات...
لتخرج بتحليلات توافق الواقع دوما ..
وتصف بها الكاتب وكأنك تراه .
اسمحلي لا اتفق معك في ان علاج الخجل هو التعصب
والنرفزة فهذا يخرج المرء عن شعوره ويضعه في دائرة
الخطأ واوافقك ان التردد اكبر خطأ واحاول حقا التخلص
منه
احساسي بالجهل لا يشعر به احد اثناء حديثي الا ان
بحت بهذا
وانا لا ابوح دوما بجهلي ولكني ايضا لا احب ادعاء
العلم
اصبحت الان لا ارى في الليل ظلامه بل ارى فيه بدايه
وامل في نهار قادم ولذلك احبه جدااا
اعترف انى قد اتسرع وانفعل على اتفه الاسباب وقد
تصدر مني افعال لا ارى فيها عقلانيه ابدا ولكن هذا
مايفعله الغضب او الشك ان سيطر علي الانسان
لا تؤاخذني حقا على تأخري في الزياره او الردود فكما
قلت الجو حااااااار جدا هنا ويسبب حاله من الخمول
والكسل الممل
وكما قلت ليس بين الاصدقاء اعتذار
اذا فالزعل ممنوع
اتفقنا
خالص الشكر والتقدير
ياسر
لا عليك يا صديقي
فأنا استمتع حقا بردوك الجميله
المدونه اعتبرها مدونتك
فاكتب فيها ماشئت
دمت بخير
الغاليه وام الغاليين روفي
لا عليكي اختي العزيزه اعانك الله
يكفيني انك اعطيتني الدرجه كامله
وصفك لي بالصدق وسام اعتز به
وسبحان الله فنعم نحن نحب الليل ولكن لا نحب الظلام
بل المتعه في الاحساس بأن يوما جديد ونهار جديد سيأتي
ليشعرنا بميلادنا من جديد
نعم اختي الحياء شعبه من شعب الايمان وهو تاج البنت
ولكن ان تجاوز الحد قد يبعدها عن اقرب الناس
ويفسر على انه غرور وهذا مايحدث لي ولكثيرين مثلي
اشكرك غاليتي حقا
وبارك اللي فيكي وفي بناتك واعانك على تربيتهم التربيه
الصالحه
دمتي في امن الله ورعايته
رارا
صباحك سكر ياقمري
فعلا يا حبي عالم التدوين رفع الخجل الزايد اللي كان
بيبعدنا عن الناس ويجعلهم يفكروا فينا على اننا مغرورين
والعياذ بالله
دعواتي لكي ولي بعدم التردد الذي يجر الى الندم
وفقك الله في حياتك غاليتي
دكتورة بسنت
صاحبة الخواطر الشابه التي تعيش مع الاخرين وتريد ان
تكون هي
زيارتك لي اسعدتني جدا
ومنحتني الفرصه ان اتعرف على مدونتك الجميله
سأكون دوما في انتظارك ومعي بعض المشروبات التي
تخفف من وطاة الحر الذي نعانيه هذه الايام
خالص شكرى جميلتى
وجه جديد
تم تدبيسك هههههههههه
للحق وجدتها فرصه كي اعلم انا والمدونين بعضا من
اسرارك الخفيه
واعلم ان اجاباتك لن تكون متوقعه
.............
9\10 اممممممممممممم
كريم انت ... فهي اكثر مما استحق (وش بيضحك)
خالص الشكر
كوارث
يا اهلا بيك
شفت التاج بتاعك وكم الغرابه الموجوده فيه
اجاباتك كارثه في حد ذاتها
صبرك لما اجيلك هناك
ادم المصري
ومملكة الزمن الجميل
ازيك ياجميل بتغيب عن مدونتي كتير ليه وبتحرمني من
تعليقاتك الجميله
ايه رأيك بسبق قبل ماتسأل انت ههههههههه
ميرسي بجد لزوقك
دمت بخير
جميل قوى البوست ده ياحبيبة
صريح جداااااا
وكمان وقفة جميلة مع النفس
بس صعب عليا شوية
لكن اعمل ايه هحاول برضو
تحياتى
إرسال تعليق